अमिताभ बच्चन: राजेश टोपेंनी दिली अमिताभ बच्चन यांच्या प्रकृतीची माहिती – maharashtra minister rajesh tope amitabh bachchan is fine and he is asymptomatic

0
18
Spread the love

मुंबई-अमिताभ बच्चन यांना करोनाची लागण झाली असून त्यांना नानावटी इस्पितळात दाखल करण्यात आले आहे. एका वृत्तवाहिनीलला दिलेल्या मुलाखती महाराष्ट्राचे आरोग्य मंत्री राजेश टोपे यांनी बिग बी यांच्या प्रकृतीची माहिती दिली. राजेश टोपे म्हणाले की, ‘अमिताभ बच्चन यांची प्रकृती ठिक आहे आणि ते एसिम्टमॅटिक आहेत. (Asymptomatic)एसिम्टमॅटिक असे रुग्ण असतात ज्यांच्यात आजाराची लक्षणं दिसत नाहीत किंवा फार सौम्य लक्षणं असतात.’

७८ वर्षीय अमिताभ आहेत अन्य रोगाशी ग्रस्त

७८ वर्षीय अमिताभ यांना यकृताच्या आजारासह अन्य अनेक आजार आहेत. यात आता करोना पॉझिटिव्ह आल्याचं समोर आल्यामुळे त्यांना अधिक काळजी घ्यावी लागणार आहे. असं असलं तरी ते आपल्या वयोमानानुसार योग्य आहार आणि वर्कआउट करत असतात.

अमिताभ यांच्यानंतर अभिषेक बच्चनही करोना पॉझिटिव्ह

लवकर ठीक होण्याच्या कलाकारांनी दिल्या शुभेच्छा

अमिताभ बच्चन यांनी जेव्हा ट्विटरवर करोना पॉझिटिव्ह असल्याचं सांगितलं, यानंतर सिनेसृष्टीतून अनेकांनी त्यांना लवकरात लवकर बरं होण्याच्या शुभेच्छा दिल्या. परेश रावल, रितेश देशमुख, मनोज बाजपेयी, लारा दत्ता, परिणीती चोप्रासह अन्य सेलिब्रिटींनी त्यांच्या तब्येतीची विचारपूस केली.

अनेक बॉलिवूड सेलिब्रिटी होते करोना पॉझिटिव्ह

अमिताभ बच्चन आणि अभिषेक बच्चन यांच्याआधी अनेक बॉलिवूड सेलिब्रिटींना करोनाची लागण झाली होती. सर्वातआधी कनिका कपूरला या विषाणूची लागण झाली होती. यानंतर किरण कुमार, करीम मोरानी आणि त्याच्या दोन मुली जोआ आणि शाजा मोरानीही करोना पॉझिटिव्ह होते.

दरम्यान, देशाची आर्थिक राजधानी आणि राज्याची राजधानी मुंबई शहर करोनाच्या विळख्यात सापडलं आहे. त्यामुळे मुंबईत एकप्रकारचं भीतीचं वातावरण पसरलं आहे. मुंबईत करोनावर नियंत्रण मिळवण्याचे आटोकाट प्रयत्न सुरू असले तरी स्थिती अद्याप नियंत्रणात आलेली नाही. मुंबईत मिशन बिगिन अगेन अंतर्गत अनेक निर्बंध शिथील करण्यात आले आहेत. त्यामुळे रस्त्यांवर पुन्हा एकदा गर्दी दिसू लागली आहे. त्याचा फटकाही मोठ्या प्रमाणात बसत आहे.

रेखाचा बंगला सील, गार्ड निघाला करोना पॉझिटिव्ह

मुंबईत गेल्या २४ तासांत करोनाचे १३०८ नवे रुग्ण आढळले असून ३९ जणांचा मृत्यू झाला आहे. त्याचवेळी १४९७ रुग्णांनी करोनावर मात केली आहे. मुंबईतील अॅक्टिव्ह रुग्णांची संख्या २२७७९ इतकी असून एकूण रुग्णसंख्या ९१४५७ इतकी झाली आहे. आतापर्यंत मुंबईत ५२४१ रुग्णांचा करोनामुळे मृत्यू झाला आहे.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)