गुन्हेगार आणि राजकारण: विकास दुबे एन्काऊन्टर : गुन्हेगार आणि राजकारण, लागेबांधे उघड – criminals and politics

0
25
Spread the love

लखनौ : कानपूरमधील विकास दुबे नावाच्या गँगस्टरने मागील आठवड्यात पोलिसांवर हल्ला केला. त्यानंतर बुधवारी अटक झालेला दुबे गुरुवारी रात्री पोलिस चकमकीत मारला गेला. या आठवडाभरच्या काळात विकास दुबे नावाच्या व्यक्तीच्या पाठिशी असलेल्या अनेक यंत्रणांचे ‘लागेबांधे‘ उघड झाले. पोलिसांपासून थेट राजकीय नेत्यांपर्यंत दुबेचे हे तथाकथित संबंध मोठ्या गंभीर चर्चेचा विषय ठरवा, असाच आहे. ‘गुन्हेगारीचे राजकीयीकरण‘की ‘राजकारणाचे गुन्हेगारीकरण’याचा विचार करता गुन्हेगार आणि राजकारण यांच्यातील साटेलोटे ही देशातील अत्यंत मोठी समस्या ठरल्याचे समोर आले आहे.

कानपूरमधील बिक्रू गावात राहणाऱ्या विकास दुबेला पकडण्यासाठी गेलेल्या पोलिसांवर गोळीबार होणे. त्यानंतर शंभरहून अधिक पोलिस पथकांना सज्ज केल्यानंतर त्याचे फरार होणे, यात हितसंबंधांचा पुरावा मानता येईल. पोलिस, स्पेशल टास्क फोर्स कामाला लागले. पाच हजार ही इनामाची रक्कम पाच लाखांपर्यंत वाढवली गेली. तरीही तो फरार होऊ शकला होता. त्यादरम्यान दुबे याचे अनेक राजकीय नेत्यांशी असलेले संबंध उघड झाले.

कानपूरच्या आर्यनगर विधानसभेचे समाजवादी पक्षाचे आमदार अमिताभ वाजपेयी हे आता दुबे कधीच आपल्या पक्षाचा सदस्य नसल्याचे सांगत आहेत. प्रत्यक्षात दुबे आणि समाजवादी पक्षाचे संबंध जगजाहीर करणारी पोस्टर कानपूरच्या गल्लोगल्ली पाहायला मिळतील. अगदी भाजपच्या भगव्या झेंड्याखाली दुबेच्या प्रतिमा झळकल्याचेही लोकांनी पाहिले आहे. ही पोस्टर समाजमाध्यमांतून जगजाहीर झाली आहेत. तरीही पक्षनेते दुबेशी संबंध असल्याचे झिडकारत आहेत. भाजपमधील एक नेते म्हणतात, दुबे पक्षाच्या महत्त्वाच्या पदावर कधीच नव्हता. सदस्य असला, तर मी त्याबाबत सांगू शकत नाही. कारण आमच्याकडे तर मिस्ड कॉल देणाराही सदस्य होतो.

maharashtra times

कानपूरमधील ‘नवभारत टाइम्स’चे प्रतिनिधी प्रवीण मोहता यांनी दिलेल्या माहितीनुसार, दुबे कोणत्याही राजकीय पक्षात नसला,तरी बहुतांश सगळ्याच पक्षांशी त्याचे संबंध चांगलेच होते. त्यामुळेच त्या-त्या पक्षांच्या कार्यक्रमात थेट व्यासपीठावरही दुबे असे. दुबे गुन्हेगारी कारवायात गुंतल्याचे समोर आले असले, तरी कायद्याने त्याचे काहीच वाकडे केले नाही, असेच म्हणता येईल. त्यामुळेच त्याचे आर्थिक साम्राज्य वाढत गेले. हे सगळे राजकीय आशीर्वादाशिवाय अशक्यच आहे.

विकास दुबे ही काही या देशातील एकमेव व्यक्ती नाही. अन्य अनेक ठिकाणी अशी अनेक माणसे सापडतील, ज्यांच्यावर डझनावारी गुन्हे दाखल आहेत. त्यांच्यावर अनेक गंभीर गुन्ह्यांची कलमे लावण्यात आलेली आहेत. तरीही राजकीय पक्ष त्यांना उमेदवारी देतात. सन २०१९मध्ये लोकसभा निवडणुकीच्या दरम्यान भाजपने माफिया म्हणता येईल, अशा एका व्यक्तीला पक्षात प्रवेश दिला. त्याच्याकडून देवरिया भागात प्रचारही करून घेतला. कारण त्यावेळी भाजपचा तिथला उमेदवार निवडून येईल, अशी स्थिती नव्हती. ती व्यक्ती राजदचा आमदार म्हणून निवडून आलेली होती, हे विशेष.

गुन्हेगारी पार्श्वभूमीचे लोकप्रतिनिधी

– गंभीर गुन्ह्यांची नोंद असलेल्या व्यक्ती विधानसभा आणि लोकसभा निवडणूक जिंकत आहेत. सन २०१७ मध्ये झालेल्या उत्तर प्रदेश विधानसभा निवडणुकीतील ४०२ आमदारांपैकी १४३ जणांवर गुन्हेगारी तक्रारी दाखल असल्याचे उघड झाले होते.

– २०१७ च्या विधानसभा निवडणुकीत बहुमत मिळवून सत्तेत असलेल्या भाजपमधील ३७ टक्के आमदारांवर फौजदारी गुन्हे दाखल आहेत. भाजपच्या ३१२ पैकी ८३ आमदारांवर गंभीर गुन्ह्यांची कलमे दाखल आहे.

-समाजवादी पक्षाच्या ४७ आमदारांपैकी १४ जणांवर, बसपच्या १९ पैकी पाच आणि काँग्रेसच्या सातपैकी एकावर गुन्हे दाखल आहेत. विशेष म्हणेज, तीन अपक्ष म्हणून निवडून आलेले आमदारही गुन्हेगारी पार्श्वभूमीचे आहेत.

maharashtra times

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)