ढोल-ताशाचा सराव: नाही घुमणार यंदा ढोल-ताशा पथकाचा आवाज – coronavirus : no dhol tasha squad practice this year

0
19
Spread the love


म .टा . प्रतिनिधी, पिंपरी

ढोल-ताशाचा सरावाचा आवाज ऐकू यायला लागला, की गणेशोत्सवाची चाहूल लागते. यंदा करोनामुळे गणेशोत्सवाला एक माहिना बाकी असतानाही ढोल-ताशा पथकाचा सराव बंद आहे. यंदाचा गणेशोत्सव साध्या पद्धतीने साजरा होणार असल्याने यंदा ढोल-ताशाचे वादन होणार नाही, असे पिंपरी-चिंचवड ढोलताशा महासंघाच्या वतीने जाहीर करण्यात आले आहे. वादन नसले तरीही पथकांनी सामाजिक भान मात्र जपले जाणार आहे.

करोनाच्या एकंदरीत परिस्थितीचा विचार करून पिंपरी-चिंचवड ढोल-ताशा महासंघाच्या वतीने ऑनलाइन बैठक घेण्यात आली. त्यानुसार महाराष्ट्र ढोल-ताशा महासंघाशी चर्चा करून यंदा सुरक्षिततेचा उपाय म्हणून आम्ही या वर्षी वादन न करण्याचे ठरवले आहे. मात्र, गणेशोत्सव काळात नागरिकांच्या आवश्यकतेनुसार आम्ही विविध सामाजिक उपक्रम घेणार आहोत.

– प्रतीक विचारे, सदस्य, पिंपरी-चिंचवड ढोल-ताशा पथक

पिंपरी-चिंचवड भागात ढोल-ताशा संस्कृती गेल्या काही वर्षांतच सुरू झाली. पिंपरी-चिंचवड शहरात साधारण ६० ढोल-ताशांची पथके आहेत. यंदा करोनामुळे खबरदारीचा उपाय म्हणून गणेशोत्सव साध्या पद्धतीने होणार असल्यामुळे यंदा राज्य सरकारच्या निर्णयाचा आदर करून वादन न करण्याचा निर्णय ढोल-ताशा महासंघाच्या वतीने घेण्यात आला आहे.

दर वर्षीप्रमाणे यंदा ढोल-ताशा पथकाचा सराव होणार नाही. पथकाचे सगळे सदस्य आपले कॉलेज, नोकरी सांभाळून वादनाच्या सरावासाठी येत असत. वादनातून प्रत्येक वादकाला समाधान मिळते. परंतु नागरिकांच्या सुरक्षिततेसाठी सरकारने दिलेला निर्णय आम्ही मान्य करीत असून, त्यानुसार यंदा वादन होणार नाही. गणेशोत्सवाच्या काळात सामाजिक उपक्रम घेणार आहोत.

– विशाल मानकर, ढोल-ताशा पथक प्रमुख

मात्र, पथकाच्या वतीने सामाजिक जबाबदारी म्हणून शहरातील नागरिकांच्या जेवणाची सोय, पोलिसांना मास्क वाटप, गरजूंना धान्य वाटप आदी सामाजिक कामे करण्यात आली आहेत. तसेच, गणेशोत्सव काळातही समाजाला आवश्यक ती मदत पथकाच्या वतीने करण्यात येणार असल्याची घोषणा करण्यात आली.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)