मुंबईतील रुग्णांची संख्या: आर्थिक राजधानीत… संसर्गही वाढता, अन् मृत्यूही! – coronavirus in mumbai : infection and death rate increase

0
22
Spread the love

म. टा. विशेष प्रतिनिधी, मुंबई

करोनाच्या वाढत्या संसर्गासोबत मृत्यूमुखी पडणाऱ्या रूग्णांची संख्या झपाट्याने वाढत असून मुंबईत सर्वाधिक मृत्यू दादर, माहीम, धारावी भागात झाले आहेत. महापालिकेच्या दहा जुलैच्या अहवालानुसार जी उत्तर विभागात दादर, माहीम व धारावी परिसरांत तब्बल ४०० जणांचा करोनाने मृत्यू झाला आहे. तर अंधेरी पूर्वेला ३८८ व कुर्ला येथे ३७८ जणांचा मृत्यू झाला आहे. सर्वात कमी म्हणजे ४९ जणांचा मृत्यू फोर्ट, कुलाबा विभागात झाला आहे.

मुंबईत करोनामुळे शुक्रवारपर्यंत ५,०४६ रूग्णांचा मृत्यू झाला आहे. यात सर्वाधिक ४०० जणांचा मृत्यू धारावी, माहीम, दादर भागांत झाला. या विभागांतील १,३७१ रुग्ण रूग्णालये व करोना आरोग्य केंद्रात उपचार घेत आहेत. तर ३,६५८ रुग्ण बरे होऊन घरी परतले आहेत. करोनाचा सर्वाधिक प्रादुर्भाव वरळी, अंधेरी पूर्व आणि पश्चिम, मालाड, दादर, धारावी, भांडुप या विभागांत झाला आहे. या सहा विभागांमधील करोना रुग्णांची संख्या सुमारे वीस हजारांहून अधिक झाली आहे.

अंधेरी पूर्वेला ३,८८२ रुग्ण बरे झाले आहेत तर १,७१० रुग्ण उपचार घेत आहेत. मालाडमध्ये ३,०१९ रुग्ण बरे झाले असून २,०५६ रुग्ण रूग्णालयात दाखल आहेत. कांदिवली आर-दक्षिण विभागात १,२७६ करोना रुग्ण सध्या उपचार घेत आहेत. २,२०८ रुग्ण बरे झाले. तर ९८ नागरिकांचा मृत्यू झाला आहे. कुलाबा, फोर्ट, पायधुनी, डोंगरी, भेंडी बाजार, चंदनवाडी, काळबादेवी व दहिसर भागात सर्वात कमी रुग्ण दगावले आहेत. या विभागात मृतांची संख्या दोनशेपेक्षा कमी आहे. डोंगरी विभागात सध्या २२१ जण रुग्ण उपचार घेत आहेत तर ६७ जणांचा मृत्यू झाला, असे पालिकेच्या आरोग्य विभागाकडून सांगण्यात आले.

विभागनिहाय मृत्यू

वरळी- जी दक्षिण ३०७

भायखळा- ई २०४

ग्रँट रोड- डी १३५

अंधेरी- के पश्चिम २४०

सांताक्रुझ- एच पूर्व ३१४

मालाड पी-उत्तर २१५

अंधेरी- के पूर्व ३८८

गोवंडी- एम पूर्व २७७

भांडुप- एस विभाग ३२३

कांदिवली- आर दक्षिण ९८

चेंबूर- एम पश्चिम २३३

वांद्रे- एच पश्चिम १४९

गोरेगाव-पी दक्षिण १५०

कुर्ला- एल ३७८

बोरीवली-आर मध्य ११४

घाटकोपर- एन २७३

माटुंगा- एफ उत्तर २२९

परळ- एफ दक्षिण २५२

दादर- जी उत्तर ४००

दहिसर- आर उत्तर ८१

चंदनवाडी- सी ६५

मुलुंड- टी १०५

डोंगरी- बी ६७

कुलाबा- ए ४९

रुग्णांची एकूण संख्या

मुंबईतील एकूण रूग्णसंख्या ८८७९५

उपचार घेत असलेले रूग्ण २२४०५

बरे होऊन घरी परतले ५९०२६

मृत्यू ५०४५

रूग्णवाढीचा दर १.४१ टक्के

रूग्ण दुपटीचा कालावधी ४५ दिवस

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)