मोटर ट्रेनिंग स्कूल: लायसन्ससाठी ट्रेनिंग स्कूलकडून अतिरिक्त पैशांची मागणी होत असेल तर… – training school drivers charging extra for licence after lockdown

0
28
Spread the love

म. टा. प्रतिनिधी, मुंबई

लॉकडाउन काळात मुदत संपलेल्या शिकाऊ आणि पक्की लायसन्ससाठी (लर्निंग लायसन्स आणि पक्के लायसन्स) अर्ज करणाऱ्या वाहनचालकांना मोटर ट्रेनिंग स्कूल चालकांकडून वेठीस धरण्याचा प्रकार समोर आला आहे. वाहन चाचणीसाठी दिली जाणारी वेळ (स्लॉट) उपलब्ध नाही, यामुळे लायसन्सची प्रक्रिया पहिल्यापासून पुन्हा करावी लागेल, असे सांगत वाहनचालकांकडे अतिरिक्त पैशाची मागणी करण्यात येत आहे.

केंद्र सरकारने लायसन्ससाठी मुदतवाढ दिली, मात्र पक्क्या लायसन्ससाठी नव्याने स्लॉट निश्चित करताना फी भरावी लागेल का, वेबसाइटवर नवा स्लॉट कसा बुक करायचा, मुदतवाढ दिली तरी जुना स्लॉट दिसत आहे, मर्यादित मनुष्यबळ असल्याने कागदपत्रे केव्हा आणि कशी जमा करायची असे अनेक प्रश्न सामान्य नागरिकांना पडले आहेत. असे असताना काही मोटर ट्रेनिंग स्कूल या गोंधळाचा फायदा घेत वाहनधारकांकडून पैसे उकळत आहेत.

अंधेरी, बोरिवली परिसरातील ट्रेनिंक स्कूल चालकांकडून अशाच प्रकारे अतिरिक्त पैशांची मागणी करण्यात येत आहे. कार्यालयात अधिकारी नाही, परीक्षेसाठी स्लॉट उपलब्ध नाही असे सांगत अर्ज प्रक्रिया पहिल्यापासून करून फी नव्याने भरावी लागले, असे ट्रेनिंक स्कूल चालकांकडून सांगण्यात येत आहे. ट्रेनिंग स्कूल-आरटीओ अधिकारी यांचा रोजचा संपर्क असल्याने यांच्या विरोधात तक्रार करण्यास सहसा कोणी धजावत नाही. तक्रार करण्याचा प्रयत्न केल्यास पक्के लायसन्स पत्र अडकवण्याची धमकी ट्रेनिंग स्कूलचालकांकडून देण्यात वाहनधारकांना देण्यात येत आहे, अशा तक्रारी वाहनधारकांच्या आहेत.

‘पुन्हा शुल्क भरण्याची गरज नाही’

लॉकडाउनकालावधीत लायसन्स संपलेल्या वाहनधारकांना सप्टेंबरपर्यंत मुदतवाढ देण्यात आली आहे. यामुळे वाहनधारकांना लायसन्ससाठी नव्याने अर्ज भरून पुन्हा शुल्क भरण्याची गरज नाही. मोटार ट्रेनिंग स्कूलकडून अतिरिक्त पैशांची मागणी होत असल्यास आरटीओंकडे त्यांची तक्रार दाखल करावी, असे परिवहन आयुक्तालयाकडून स्पष्ट करण्यात आले आहे.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)