australian woman rape: ‘काश्मीरमध्ये सलग २ महिने रोज रात्री माझ्यावर बलात्कार झाला’ – australian woman allegedly raped repeatedly for 2 months in jammu and kashmir

0
26
Spread the love

मेलबर्न: काश्मीरमध्ये तब्बल दोन महिने डांबून ठेवले. दररोज रात्री माझ्यावर बलात्कार करण्यात आला, असा धक्कादायक आणि खळबळजनक दावा ऑस्ट्रेलियन महिला आणि माजी स्टार सर्फर कॅरमन ग्रीनट्री हिनं केला आहे. तिच्या म्हणण्यानुसार, एका काश्मीरमधील स्थानिक व्यक्तीनं तिला हाउसबोटवर दोन महिने डांबून ठेवलं आणि बलात्कार केला. धर्म परिवर्तन करण्यासाठीही जबरदस्ती केली गेली. त्या कालावधीत दिवसभरात तो अनेकदा माझ्यावर बलात्कार करायचा. तेव्हा मी २२ वर्षांची होते, असं तिनं म्हटलं आहे.

यूकेतील एका वृत्तपत्रातील वृत्तानुसार, कॅरमन आंतरराष्ट्रीय स्तरावरील एक प्रख्यात सर्फर होती आणि तिने आपल्या प्रकाशित पुस्तकात या संपूर्ण घटनेचा उल्लेख केला आहे. कॅरमनच्या म्हणण्यानुसार, तिला जग भ्रमंती करण्याची आवड आहे आणि सन २००४ साली ती भारतात आली होती. काश्मीरमध्ये भटकंती करताना तिची ओळख एका स्थानिकाशी झाली. त्याने हॉटेलमध्ये राहण्याऐवजी त्याच्या हाऊसबोटवर राहण्याचा सल्ला दिला. कॅरमन त्याच्या सांगण्यावरून हाउसबोटवर गेली. तिथे त्या व्यक्तीने तिला डांबून ठेवले. ज्यावेळी धर्मशाला येथे जाणारी बस पकडण्यासाठी निघाले त्यावेळी त्या व्यक्तीने मला रोखले. त्यावेळी मला पहिल्यांदाच वाटलं की आपण याच्या तावडीत अडकलो आहोत. मी निघून जाण्यावर ठाम राहिले, त्यावेळी त्याने मला बांधून ठेवले आणि मारहाण केली.
भयानक! ५ वर्षीय मुलीवर बलात्कार, टॉर्चर करून विहिरीत फेकलं; मुलाचीही केली हत्या

दबंगगिरी, गँगस्टर आणि अंत…कुख्यात गुंड विकास दुबेची कुंडली

सांगली हादरलं; राष्ट्रवादीच्या बड्या नेत्याची निर्घृण हत्या

कॅरमनने ‘अ डेंजरस परसुइट ऑफ हॅप्पीनेस’ या पुस्तकात या घटनेचा उल्लेख केला आहे. हाउसबोटवर बांधून ठेवलं त्यावेळी मी आता कधी बाहेर निघेल की नाही असं वाटू लागलं. ती व्यक्ती माझ्यावर दिवसातून अनेकवेळा बलात्कार करत असे. माझ्यावर त्याने कितीवेळा बलात्कार केला हे सुद्धा मला आता आठवत नाही. मी त्याच्या आणि मित्राचं बोलणं ऐकायचे. त्यावरून त्यांनी अनेक मुलींना अशाच प्रकारे डांबून ठेवून त्यांच्यावर बलात्कार केला असावा, असे वाटत असे. माझे धर्मपरिवर्तन करण्याचा प्रयत्नही त्याने केला. मी एकदा त्याच्या तावडीतून सुटका करून घेण्याचा प्रयत्न केला. त्यावेळी त्यांनी अशा ठिकाणी नेलं की, मी जर पळून जाण्याचा प्रयत्न केला असता तर मला दहशतवादी समजून मारलं गेलं असतं, असंही तिनं या पुस्तकात नमूद केलं आहे.

धक्कादायक! पुण्यात आणखी एका तरुणाची गळफास घेऊन आत्महत्या

बालिका वधू…उपराजधानी नागपुरात घडणार होतं अघटित…

असा वाचला जीव

त्या हाउसबोटमधून माझी कधी सुटका होईल हे माहिती नव्हतं. माझा धीरही सुटला होता. त्याचदरम्यान एका मित्राने संपर्क करण्याचा प्रयत्न केला. संपर्क होऊ शकला नाही म्हणून त्याने भारतात ऑस्ट्रेलियन दूतावासाशी संपर्क साधला. मला काही लोक शोधत असल्याचं या व्यक्तीला माहीत झालं. त्यावेळी त्यानं माझ्या घरच्यांना फोन करून पैशांची मागणी करण्यास सांगितलं. घरच्यांसोबत बोलता बोलता मी त्यांना ठिकाणाची माहिती दिली, असंही तिने सांगितलं. त्यानंतर पोलिसांनी हाउसबोटवर छापेमारी केली. त्या व्यक्तीला अटक करण्यात आली. मात्र कुणीही साक्ष दिली नाही. त्यामुळे त्याची सहा महिन्यांत सुटका झाली. या कालावधीत खूप घाबरले होते. भारतात अजून एक दिवसही थांबण्याची इच्छा नव्हती. त्यामुळे कोर्टात खटला लढण्याचा विचारही केला नाही, असंही तिनं सांगितलं.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)