cm uddhav thackeray: NCP-Shivsena Rift : नगरसेवकांची फोडाफोडी! मनसेनं चोळलं शिवसेनेच्या जखमेवर मीठ – MNS Slams Cm Uddhav Thackeray Over Shivsena-Ncp Rift After Parner Politics

0
26
Spread the love

मुंबई: सत्ताधारी महाविकास आघाडीतील दोन प्रमुख पक्ष शिवसेना व राष्ट्रवादी काँग्रेसमध्ये फोडाफोडीचं राजकारण रंगलं असताना आता महाराष्ट्र नवनिर्माण सेनेनंही त्यात उडी घेतली आहे. राष्ट्रवादीच्या नागमोडी चालीनं दुखावलेल्या शिवसेनेच्या जखमेवर मनसेनं मीठ चोळलं आहे. मनसेनं शिवसेनेला भूतकाळातील फोडाफोडीची आठवण देत डिवचलं आहे. (MNS taunts Shivsena over rift with NCP)

वाचा: ‘शरद पवारांच्या मुलाखतीनं कुठलीही खळबळ वगैरे माजणार नाही’

मुंबई महापालिकेची २०१७ ची निवडणूक स्वबळावर लढलेल्या शिवसेनेला भारतीय जनता पक्षानं जोरदार टक्कर दिली होती. शिवसेनेनं त्यावेळी महापालिकेची सत्ता राखली खरी, पण भाजपकडून कोणत्याही क्षणी त्या सत्तेला सुरुंग लावला जाईल ही भीती शिवसेनेला होती. त्यातूनच शिवसेनेनं मनसेचे सातपैकी सहा नगरसेवक फोडले होते. ही गोष्ट राजकीयदृष्ट्या संघर्ष करणाऱ्या मनसेच्या चांगलीच जिव्हारी लागली होती.

वाचा: अंतर्विरोध, अंतरपाट नाही; आम्ही वरमाला घातल्यात: संजय राऊत

राज्यातील सत्तेत सोबत असताना राष्ट्रवादी काँग्रेसनं पारनेरमध्ये पाच नगरसेवक फोडल्यानं शिवसेनेची अवस्था आज तशीच झाली आहे. अजित पवारांशी झालेल्या चर्चेनंतरच हे पक्षांतर झाल्याचं राष्ट्रवादीचे आमदार नीलेश लंके यांनी म्हटलं आहे. या सगळ्या घडामोडींमुळं मुख्यमंत्री उद्धव ठाकरे अस्वस्थ असल्याचं बोललं जातं. त्यांनी आपली नाराजी थेट अजित पवारांच्या कानावर घातली आहे. सोमवारी शरद पवार यांच्यासोबत झालेल्या बैठकीतही यावर चर्चा झाल्याचं बोललं जात आहे. राष्ट्रवादीचे ते नगरसेवक पुन्हा शिवसेनेत यावेत अशी अपेक्षा शिवसेनेकडून व्यक्त करण्यात आल्याचं समजतं.

वाचा: ‘महाजॉब्स पोर्टल’वरून भाजपने शिवसेना-राष्ट्रवादीला घेरले

हाच धागा पकडून मनसेचे सरचिटणीस व माजी नगरसेवक संदीप देशपांडे यांनी शिवसेनेवर हल्लाबोल केला आहे. ‘रात्रीच्या अंधारात नगरसेवक चोरून सर्जिकल स्ट्राइकची फुशारकी मारणारे आज दिवसा उजेडी राष्ट्रवादीकडे भीक मागत आहेत. काळाचा महिमा यालाच म्हणतात,’ असं देशपांडे यांनी म्हटलं आहे.

Live: संगमनेरमधील मोकाट कुत्री अकोले तालुक्यात सोडली, गुन्हा दाखल!

वाचा: फेरीवाल्यांमुळे करोना पसरेल; परवानगी देणार नाही: राज्य सरकार

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)