corona in india: चिंताजनक: भारतात करोनामुळे होणाऱ्या मृत्यूत होतेय वाढ – although the number of deaths due to corona is less in india than in the rest of the world it is increasing day by day and this is worrisome

0
16
Spread the love

नवी दिल्ली: आतापर्यंत भारतात मोठ्या सख्येने वाढणारी करोनाबाधित रुग्णसंख्या हा चिंतेचा विषय होता. मात्र असे असले तरी मृत्यूचा विचार करता भारताने मृत्यूदर नियंत्रणात राखल्याचे म्हटले जात होते. मात्र आता परिस्थिती हळूहळू बदलत असल्याचे चित्र पुढे येत आहे.

शनिवारी, ४ जुलै या दिवशी भारतात करोनाचे सुमारे २५,००० नवे रुग्ण वाढले. अमेरिका आणि ब्राझीलनंतर ही तिसरी सर्वात मोठी संख्या आहे. ४ जुलैला भारतात करोनामुळे ६०० हून अधिक मृ्त्यू झाले. ही संख्या ब्राझीलनंतर दुसरी सर्वात मोठी संख्या आहे. ब्राझीलमध्ये करोनाचे रुग्ण जलदगतीने वाढत आहे. अमेरिकेत नियम आणि प्रतिबंधात ढिलाई दिल्यानंतर करोना पुन्हा गती पकडू लागला आहे. नव्या रुग्णवाढीचा विचार करता भारताने ६ जुलैला रशियाला मागे टाकले आणि भारत करोनाप्रकरणी जगात तिसरा देश बनला.

असे असले तरी भारतात दररोज सर्वाधिक रुग्ण वाढत आहेत अशातील भाग नाही. मात्र, रुग्णवाढीचा आलेख निश्चितच चिंताजनक आहे. सर्वाधिक करोनाबाधित रुग्ण असलेल्या १० देशांमध्ये असलेल्या भारतात करोनाचा संसर्ग तीव्र गतीने वाढत आहे. भारतात नवे रुग्ण २० दिवसांपेक्षा कमी कालावधीत दुप्पट होत आहेत. तर अमेरिकेत ते ३९ दिवसांनी दुप्पट होत आहेत. तर ब्राझीलमध्ये ते २६ दिवसांनी दुप्पट होत आहेत. जगात करोनाचा सर्वाधिक फटका अमेरिका आणि ब्राझीलला बसला आहे.

वाचा- Live: देशातील एकूण रुग्णांची संख्या पोहोचली ७,४२,४१७ वर

आतापर्यंत भारतात मृत्यूदराबाबत स्थिती फार चिंताजनक नव्हती. २.८ टक्के हा मृत्यूदर १० सर्वाधिक करोना प्रभावित देशांमध्ये सर्वात कमी आहे. १० सर्वाधिक करोनाप्रभावीत देशांचा विचार करता त्यांच्या तुलनेत हा सर्वात कमी मृ्त्यूदर आहे. खरे तर, १०० हून अधिक देशांमध्ये प्रति मिलियन लोकसंख्येमागे होणारे मृत्यू भारताच्या तुलनेत अधिक आहेत. भारतात ६ जूनच्या सकाळपर्यंत मृ्त्युमुखी पडलेल्या करोनाबाधित रुग्णांच्या संख्येने जवळपास २०,००० हजारांचा आकडा गाठला. ही प्रति मिलियन लोकसंख्येवर ५०० हून जरा जास्तच आहेत. मात्र ही परिस्थिती बदलू शकते.

वाचा: ‘भारतात पुरेशा चाचण्या होत नाहीए, रुग्णसंख्या वाढण्याची भीती?’

भारतात दररोज होणाऱ्या मृत्यूच्या संख्येत सतत वाढ होत आहे. शनिवारी, ४ जुलैला भारतात ६१३ मृत्यू झाले. या दिवशी ब्राझीलमध्ये १,०९१ इतके मृत्यू झाले. भारत त्या दिवशी मत्यूसंदर्भात दुसऱ्या स्थानी आहे. भारतात नव्या मृत्यूंचा सात दिवसांचा रोलिंग एव्हरेज ४५३ आहे. हा एव्हरेज ब्राझील (१,०२८) मॅक्सिको (५६९), अमेरिकेनंतर (५०८) सर्वात जास्त आहे.

वाचा- करोना: केंद्र सरकारने ‘या’ वस्तू अत्यावश्यक वस्तूंच्या यादीतून हटवल्या

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)