coronavirus in ahmednagar: Coronavirus In Ahmednagar ‘या’ सत्ताधारी आमदाराला करोना; कार्यकर्ते, अधिकारी हादरले! – mla from ahmednagar district tests positive for covid 19

0
23
Spread the love

नगर:अहमदनगर जिल्ह्यातील एका सत्ताधारी पक्षाच्या आमदाराला करोना विषाणूची लागण झाली आहे. ( Mla Tests Positive For Covid 19 ) संबंधित आमदाराच्या कुटुंबातील सदस्यांसह आरोग्य विभागातील सूत्रांकडून या माहितीला दुजोरा मिळाला आहे. दरम्यान, संबंधित आमदार हे जिल्ह्याच्या उत्तर भागातील एका मतदारसंघाचे प्रतिनिधित्व करीत आहेत. ( Coronavirus In Ahmednagar )

वाचा: राज्यात आज उच्चांकी ६ हजार नव्या रुग्णांची नोंद; रुग्णसंख्या २ लाखांच्या उंबरठ्यावर

नगर जिल्ह्यात करोनाचा वेगाने फैलाव होऊ लागला आहे. आज सकाळी करोनाचे २४ रुग्ण आढळले होते. तर, सायंकाळी आणखी १० करोनाचे रुग्ण जिल्ह्यात आढळले आहेत. विशेष म्हणजे सायंकाळी पॉझिटिव्ह आलेल्या अहवालामध्ये एका आमदाराचा समावेश आहे. संबंधित आमदाराने स्वतःला करोनाची लक्षणे जाणवू लागल्याने क्वारंटाइन करून घेतले होते. जिल्हा रुग्णालयाच्या करोना टेस्ट लॅबमध्ये त्यांचे स्त्राव नमुने तपासण्यात आले असून त्याचा अहवाल करोना पॉझिटिव्ह आला आहे. आरोग्य विभागातील अधिकाऱ्यांनीही या माहितीला दुजोरा दिला आहे.

वाचा: सरकारी कर्मचाऱ्यांचा पगार वेळेतच होणार; वडेट्टीवार यांची ग्वाही

दरम्यान, जिल्ह्यातील करोना बाधित रुग्णांची संख्या आता ५४४ झाली आहे. त्यापैकी करोनामुक्त झालेल्यांची संख्या ३६९ आहे. करोनामुळे जिल्ह्यात आतापर्यंत १५ मृत्यू झाले असून १६० जण हॉस्पिटलमध्ये उपचार घेत आहेत.

‘ते’ पदाधिकारी व कार्यकर्ते टेन्शनमध्ये

संबंधित आमदार चार दिवसांपूर्वी आपल्या विविध मागण्यांचे एक निवेदन देण्यासाठी जिल्ह्याच्या मुख्य कार्यालयात आले होते. त्यावेळी त्यांच्यासोबत त्यांच्या पक्षाचे प्रमुख पदाधिकारी व कार्यकर्ते सुद्धा होते. त्यातच संबंधित आमदारांचा अहवाल हा करोना पॉझिटिव्ह आल्यामुळे हे पदाधिकारी व कार्यकर्ते टेन्शनमध्ये आले आहेत. तसेच संबंधीत कार्यालयाच्या आवारात संबंधित आमदारांना भेटलेले अधिकारी सुद्धा चिंतेत आहेत.

वाचा: पुणेकरांच्या चिंतेत वाढ; ५० कंटेन्मेंट झोन वाढले

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)