coronavirus in jalgaon: Coronavirus in Jalgaon: जळगावातील मृत्यूदर चिंता वाढवणारा; आतापर्यंत २६३ करोनाबळी – covid19 jalgaon reports 11 more fatalities, 169 new cases

0
24
Spread the love

जळगाव:जळगाव जिल्ह्यात शनिवारी पुन्हा १६९ नवे करोना बाधित रुग्ण आढळून आले. जिल्ह्यातील करोना बाधित रुग्णांची संख्या ४१७६ इतकी झाली आहे. शनिवारी एकाच दिवशी ११ जणांचा करोनामुळे मृत्यू झाल्यामुळे आरोग्य यंत्रणेची चिंता वाढली आहे. आतापर्यंत करोना बळींची संख्या २६३ झाली आहे.

जळगाव जिल्हा प्रशासनाला शनिवारी सायंकाळी प्राप्त झालेल्या अहवालांमध्ये एकूण १६९ नवे करोना बाधित रुग्ण आढळले आहेत. त्यात जळगाव शहर ५७, जळगाव ग्रामीण १२, अमळनेर १८, भुसावळ ९, भडगाव ३, बोदवड १६, चाळीसगाव २, चोपडा ४, धरणगाव ३, एरंडोल १४, जामनेर १४, मुक्ताईनगर १, पाचोरा १, पारोळा २, रावेर ५ आणि यावल येथील ८ रुग्णांचा समावेश आहे. जळगाव जिल्ह्यात सद्यस्थितीत १४३७ रुग्णांवर विविध रुग्णालयांमध्ये उपचार सुरू आहेत. त्यातील २०६ रुग्णांची प्रकृती चिंताजनक आहे. आतापर्यंत २४७६ रुग्णांनी करोनावर मात केली असून, त्यांना रुग्णालयातून डिस्चार्ज देण्यात आला आहे. शनिवारी १४१ रुग्णांना डिस्चार्ज मिळाला.

शनिवारी तब्बल ११ जणांचा मत्यू

शनिवारी जिल्ह्यातील ११ जणांचा करोनामुळे मृत्यू झाला. जळगाव शहरात ४ जणांचा मृत्यू झाला आहे. त्यात ५८ वर्षीय महीला, ४५ वर्षीय पुरुष, ६७ वर्षीय महीला, ४८ वर्षीय पुरुषाचा समावेश आहे. जळगाव तालुक्यात ४५ वर्षीय पुरुष, भुसावळ तालुक्यात ६२ वर्षीय महीला, भडगाव ६५ वर्षीय महीला, अमळनेर तालुक्यात ६७ वर्षीय महीला, पाचोरा तालुक्यात ३६ वर्षीय पुरुष तर जामेनर तालुक्यात ४९ वर्षीय पुरुष व ५३ वर्षीय महिलेचा मृत्यू झाला आहे.

आणखी वाचा:
निगेटिव्ह म्हणून डिस्चार्ज; २ दिवसांनी सांगितलं, पॉझिटिव्ह आहात!
ब्युटिशियन करोना पॉझिटिव्ह; ‘त्या’ लग्नाचा मेकअपच उतरला!
मृतदेहाला आंघोळ, दफनविधीला गर्दी आणि पुढे

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)