coronavirus in maharashtra: Coronavirus update राज्यात करोना रुग्णांचा आकडा अडीच लाखांवर; आज १७३ दगावले – maharashtra reported 7,827 new covid-19 cases and 173 deaths in the last 24 hours

0
24
Spread the love

मुंबईः राज्यात करोना रुग्णांचा आकडा दिवसेंदिवस वाढताना दिसत आहे. गेल्या २४ तासांत करोनाचे तब्बल ७८२७ नवीन रुग्ण आढळले आहेत. त्याचवेळी राज्यात आणखी १७३ जणांना करोनामुळं आपला जीव गमवावा लागला आहे. अशी माहिती आरोग्यमंत्री राजेश टोपे यांनी दिली आहे. (Coronavirus in Maharashtra)

राज्यातीस करोना बाधितांची संख्या अडीच लाखांवर पोहोचली आहे. आज रुग्णसंख्येत ७८२७ नवीन रुग्णांची नोंद झाल्यानं एकूण रुग्णसंख्या २ लाख ५४ हजार ४२७ इतकी झाली आहे. तर दुसरीकडे मृतांचा आकडा १० हजार २८९ वर गेला आहे. सध्या राज्यातील मृत्यूदर ४.०४ % एवढा आहे. महाराष्ट्रातील करोनाचे हे आकडे चिंता वाढवणारे आहेत.

वाचाः धारावी पॅटर्नचं श्रेय घेणं ही तर निलाजरी प्रवृत्ती; शिवसेनेच्या ‘या’ नेत्याचा भाजपवर निशाणा

राज्यात आज ३३४० रुग्ण बरे होऊन घरी गेले आहेत, राज्यात आजपर्यंत एकूण १,४०,३२५ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण (Recovery Rate) ५५.१५% एवढे झाले आहे. आज राज्यात ७८२७ नवीन रुग्णांचे निदान झाले असून विविध रुग्णलयांत एकूण १ लाख ३ हजार ५१६ रुग्ण उपचार घेत आहेत.

वाचाः कोविड सेंटरमध्ये कोट्यवधींचा भ्रष्टाचार; भाजपचा सरकारवर आरोप

आजपर्यंत तपासण्यात आलेल्या १३,१७,८९५ प्रयोगशाळा नमुन्यांपैकी २,५४,४२७ (१९.३ टक्के ) नमुने पॉझिटिव्ह आले आहेत. सध्या राज्यात ६,८६,१५० व्यक्ती होमक्वारंटाईनमध्ये आहेत तर ४७,८०१ व्यक्ती संस्थात्मक क्वारंटाईनमध्ये आहेत.

राज्यात नोंद झालेले १७३ मृत्यू हे मुंबई मनपा-४४, ठाणे-६, ठाणे मनपा-२२, नवी मुंबई मनपा-१०, कल्याण-डोंबिवली मनपा-५, उल्हासनगर मनपा-१, भिवंडी-निजापूर मनपा-२, मीरा-भाईंदर मनपा-२, पालघर- १, वसई-विरार मनपा-७, रायगड-१, पनवेल मनपा-१, नाशिक-१, नाशिक मनपा-७, धुळे-२, जळगाव-२, पुणे-५, पुणे मनपा-२२, पिंपरी-चिंचवड मनपा-१०, सोलापूर मनपा-३, कोल्हापूर-१, रत्नागिरी-१ सांगली-१, औरंगाबाद मनपा-५, जालना-३, लातूर-१, नांदेड-३, अकोला मनपा-१,नागपूर मनपा-१, गोंदिया-१ या जिल्हा आणि मनपा क्षेत्रातील व इतर राज्यातील १ अशी नोंद आहे.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)