Coronavirus in pune: Coronavirus In Pune: पुण्यातून मन सून्न करणारी बातमी; ८ दिवसांची चिमुकली करोनाने दगावली – eight days old baby youngest to die in pune

0
73
Spread the love

पुणे:पुणे शहरात करोना बाधित रुग्णांची संख्या वाढत असताना शनिवारी आतापर्यंत सर्वाधिक म्हणजेच ८०८ रुग्ण बरे होऊन घरी परतल्याने थोडासा दिलासा मिळाला आहे. शहर जिल्ह्यत दिवसभरात १४१७ रुग्ण आढळले असून २९ जणांचा मृत्यू झाला आहे. मृतांमध्ये एका आठ दिवसांच्या बाळाचा समावेश असल्याने हळहळ व्यक्त होत आहे. ( Coronavirus In Pune )

पुणे शहरात दिवसभरात ४३९८ एवढ्या चाचण्या करण्यात आल्या. त्यामुळे चाचण्यांची संख्या १ लाख ६० हजारपर्यंत पोहचली. पुण्यात ४६१ रुग्ण हे गंभीर आहेत. त्यापैकी ६४ रुग्ण हे व्हेंटिलेटरवर असून उर्वरीत ३९७ जणांना ऑक्सिजनवर ठेवले आहे. त्यामुळे ऑक्सिजनच्या बेडवरील रुग्णांची संख्या वाढली आहे.

पुण्यात धक्कातंत्र; शेखर गायकवाड यांची बदली, विक्रम कुमार नवे आयुक्त

शहरात रुग्णसंख्या वाढल्याने पुणेकरांसमोरील चिंता वाढलेली आहे. असे असताना दिवसभरात ८०८ रुग्ण बरे झाल्याने घरी परतले आहेत. त्यामुळे दिलासा मिळाला आहे. परिणामी आतापर्यंत १६ हजार ९९६ रुग्ण बरे झाल्याने त्यांची संख्या वाढत असल्याने ही समाधानकारक बाब समोर आली आहे. शहरातील सक्रिय रुग्णांची संख्या ९०९२ एवढी झाली आहे. रुग्णालयात उपचार घेणाऱ्या रुग्णांची संख्या वाढताना दिसत असल्याने चिंता वाढत आहे. शहर जिल्ह्यात गेल्या २४ तासांत २९ जणांचा मृत्यू झाला आहे. आतापर्यंतच्या मृतांमध्ये सर्वाधिक कमी वयाच्या आठ दिवसाच्या बालिकेचा मृत्यू करोनामुळे झाल्याची माहिती देण्यात आली. मृतांमध्ये सर्वाधिक ९० वर्षाच्या महिलेचा समावेश आहे. शहर जिल्ह्यातील मृतांची संख्या १०४० झाली.

वाचा: राज्यात करोनाची मोठी लाट; २४ तासांत ८१३९ नवे रुग्ण, २२३ मृत्यू

सोशल डिस्टन्सिंगचे तीनतेरा

पुणे शहरासह पिंपरी चिंचवड भागात येत्या सोमवारपासून पुढील दहा दिवस लॉकडाऊन जाहीर केल्याने आता ग्राहकांनी अन्नधान्यासह भाज्यांच्या खरेदीसाठी शहरात अनेक ठिकाणी गर्दी केल्याचे चित्र शनिवारी दिवसभर पहायला मिळाले. मार्केट यार्डासह अन्य ठिकाणच्या घाऊक तसेच किरकोळ किराणा दुकानांमध्ये ग्राहकांनी रांगा लावल्या होत्या. तर किरकोळ बाजारात भाज्यांचे दर दुप्पट झाल्याचे सांगण्यात आले. यामुळे सुरक्षित वावर नियमांचा फज्जा उडाला. शहर जिल्ह्यात गेल्या काही दिवसांपासून करोनाच्या विषाणूने पुन्हा थैमान घालण्यास सुरुवात केली आहे. त्यामुळे शहरासह पिंपरी चिंचवड आणि जिल्ह्याच्या ग्रामीण भागात रुग्णांची संख्या वाढताना दिसत आहे. या परिस्थितीचे गांभिर्य ओळखून पालकमंत्री अजित पवार यांनी सोमवारपासून शहरासह पिंपरी चिंचवडमध्ये लॉकडाऊन जाहीर करण्याचे आदेश दिले. त्यानुसार विभागीय आयुक्त डॉ. दीपक म्हैसेकर यांनी सोमवारपासून १३ ते २३ जुलै दरम्यान लॉकडाऊन जाहीर केले आहे. त्या पार्श्वभूमीवर शहरातील विविध भागांमध्ये अन्नधान्यासह जीवनावश्यक वस्तू खरेदीसाठी नागरीक शनिवारी घराबाहेर पडले.

maharashtra times

वाचा: ‘पुणेकरांनो, धान्य-भाजीपाला तीन दिवसांत घेऊन ठेवा’

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)