Coronavirus in pune: Coronavirus In Pune: लॉकडाऊनच्या फेऱ्यातील पुण्यात करोना संकट गडद; ‘हे’ आकडे धोक्याचे – coronavirus updates pune district reports 1598 new cases

0
26
Spread the love

पुणे:पुणे शहर व जिल्ह्यात शुक्रवारी १ हजार ५९८ जणांना करोनाची लागण झाली असून, एकूण रुग्णसंख्या ३६ हजाराच्या टप्प्याजवळ जाऊन पोहोचली आहे. दिवसभरात शहर व जिल्ह्यातील २८ जणांचा मृत्यू झाल्याने, एकूण मृतांची संख्या १०११ झाली आहे. त्यामुळे आरोग्य प्रशासनापुढील चिंता वाढल्या आहेत.

वाचा: करोनाचे ‘ठाणे’; रुग्णसंख्येने ओलांडला ५० हजारचा टप्पा

शहरात दिवसभरात ९१६ रुग्ण आढळून आले आहेत, तर १४ जणांचा मृत्यू झाला आहे. त्यामुळे पुणे पालिका हद्दीतील मृतांची संख्या ८०० वर पोहोचली आहे. दिवसभरात ६०९ रुग्ण बरे होऊन घरी परतले आहेत. त्यामुळे आतापर्यंत करोनावर मात करून घरी परतलेल्यांची संख्या १६ हजार १८८ झाली आहे. पिंपरी चिंचवड मध्ये ११ जणांचा मृत्यू झाला आहे, तर पुणे ग्रामीणमध्ये तीन जणांचा मृत्यू झाला आहे. सध्या शहरात ९ हजार ०८९ अक्टिव्ह रुग्ण आहेत. त्यापैकी ४४३ जणांची प्रकृती गंभीर असून, ७४ जण व्हेंटिलेटरवर, तर ३६९ रुग्णांवर अतिदक्षता विभागात उपचार सुरू आहेत.

वाचा: ‘पुणेकरांनो, धान्य-भाजीपाला तीन दिवसांत घेऊन ठेवा’

पुण्यातील शुक्रवारची स्थिती

पुणे पालिका नवीन रुग्ण – ९१६

पिंपरी-चिंचवड नवीन रुग्ण – ४९६

पुणे कँटोन्मेंट नवीन रुग्ण – ५४

पुणे ग्रामीण नवीन रुग्ण – १३२

शुक्रवारी बरे झालेले रुग्ण – ६०९

शुक्रवारचे मृत्यू – २८

एकूण पॉझिटिव्ह : ३५,९९७ (पुणे शहर : २५,८९२, पिंपरी-चिंचवड : ६,७७८, पुणे ग्रामीण : १,८७१, पुणे कँटोन्मेंट आणि जिल्हा रुग्णालय : १,४५६)

वाचा: CM ठाकरेंचा पुण्याचे महापौर मोहोळ यांना फोन

पुणे पुन्हा लॉकडाऊनकडे

‘अनलॉक’ची प्रक्रिया सुरू झाली असताना आणि शहरातील व्यवहार पूर्ववत होत असताना पुणे व पिंपरी-चिंचवडमध्ये सोमवारी मध्यरात्रीपासून पुन्हा दहा दिवसांचा कडक ‘ लॉकडाऊन ‘ जाहीर करण्यात आला आहे. करोनाचा फैलाव वाढत असल्याचे सांगून, प्रशासनाकडून ही घोषणा करण्यात आली; तसेच शहरालगत आणि ग्रामीण भागातील प्रतिबंधित क्षेत्रात निर्बंध लागू करण्यात येणार आहेत. दरम्यान, उद्योग क्षेत्र आणि व्यापारी वर्गातून या निर्णयास विरोध करण्यात आला असून, ‘लॉकडाऊन’ची घोषणा होताच भाजीपाल्यापासून ते मद्याच्या दुकानांपर्यंत सर्वत्र खरेदीसाठी नागरिकांच्या रांगा लागल्याचे चित्र शुक्रवारी दिसले. ‘लॉकडाऊन’चे दोन टप्पे करण्यात आले असून, १४ ते १८ जुलै या कालावधीत कडक लॉकडाऊन असणार आहे. या कालावधीत औषधे, दूध, रुग्णालये आणि अत्यावश्यक सेवा सुरू राहणार आहेत. १९ ते २३ जुलै या कालावधीत सकाळी दहा ते दुपारी चार या कालावधीत थोडी शिथिलता आणली जाणार आहे. त्यामुळे नागरिकांनी येत्या दोन दिवसांत अत्यावश्यक वस्तूंचा साठा करण्याच्या सूचना देण्यात आल्या आहेत.

वाचा: पुण्यात खासगी प्रयोगशाळांना २४ तासांत अहवाल देण्याचे आदेश

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)