covid 19 vaccine: Adar Poonawalla करोनावरील लशीसाठी घाई नको; आणखी सहा महिने थांबा: पूनावाला – covid 19 vaccine by year end, but not rushing in says adar poonawalla

0
24
Spread the love

पुणे: लस निर्मितीत सद्या आम्ही घाई करीत नसून आतापासून आणखी सहा महिने लस निर्मितीला प्रतीक्षा करावी लागणार आहे. लस निर्मिती करताना आम्ही प्राधान्याने लशीच्या सुरक्षिततेबरोबर परिणामकारकतेवर भर देत आहोत. त्यामुळे मला लसीबाबत घाई नाही, अशा शब्दांत सीरम इन्स्टिट्युट ऑफ इंडियाचे मुख्य कार्यकारी अधिकारी आदर पूनावाला यांनी लस निर्मितीबाबतची भूमिका स्पष्ट केली. ( Adar Poonawalla On Covid 19 Vaccine )

वाचा: करोनाचा कहर कायम; राज्यात आज २२४ मृत्यू, ५१३४ नवे रुग्ण

भारत बायोटेक कंपनीने येत्या १५ ऑगस्टपर्यंत लस बाजारात आणण्याचे जाहीर केल्याने त्यांचे नाव न घेता लस निर्मितीत घाई होत असल्याचं अप्रत्यक्षरित्या सागंत टोला लगावला. मायलॅबच्या अद्ययावत स्वयंचलित आरटी पीसीआर चाचण्यांच्या मशीनच्या उद्घाटनप्रसंगी ते पत्रकार परिषदेत बोलत होते. ‘पुण्यासह मुंबईत करोना विषाणूचा संसर्ग वाढत आहे. माय लॅब बरोबर निर्मिती केलेल्या अद्ययावत करोनासह अन्य चाचण्यांच्या मशीनमुळे अर्धा तासांत चाचणी करणे शक्य होणार आहे. त्यामुळे अहवाल येण्याचा कालावधी कमी होणार आहे. परिणामी एखादा रुग्ण गंभीर झाल्यास त्याला तत्काळ उपचार देऊन त्याला जीवदान देणे शक्य होईल. त्यासाठी सरकारने आता सर्वांची चाचणी करण्याची गरज आहे. चाचण्यांची क्षमता सरकारने वाढवायला हवी. चाचणी वाढल्यास रुग्णांची संख्या वाढू शकेल. ते घातक नाही. मात्र, मृत्यू झाल्यास ते घातक ठरू शकेल. मृत्यू दर कमी करण्यासाठी चाचण्यांची संख्या वाढविण्याची गरज आहे,’ असे आदर पूनावाला यांनी यावेळी स्षष्ट केले.

वाचा: ‘मातोश्री’वर जाण्यात मला अजिबात कमीपणा वाटत नाही: शरद पवार

ऑक्सफर्ड विद्यापीठाच्या सहकार्याने सीरम इन्टिट्यूट करोनाच्या लशीच्या चाचण्यांवर काम करीत आहे. सुरक्षा आणि त्याची परिणामकारकता यशस्वी झाल्यानंतरच सप्टेंबर-ऑक्टोबरपर्यंत ही लस बाजारात येऊ शकेल, अशी आमची अपेक्षा आहे असे आदर पूनावाला यांनी गेल्या महिन्यात स्पष्ट केले आहे. क्लिनिकल चाचण्या यशस्वी झाल्यास पुरेसे डोस उपलब्ध करण्यासाठी लशींचे उत्पादन करण्यात येईल.पहिल्या सहा महिन्यांसाठी सुमारे ५० लाख लशींचे उत्पादन घेण्याचे त्यांचे उद्दिष्ट आहे. त्यानंतर चाचण्यांच्या यशस्वीतेवर आम्ही दरमहा १०० कोटी डोसेसचे उत्पादन करू. हे उत्पादन भारतासह अन्य अधिकाधिक देशांमध्ये उपलब्ध करून देण्याचा आमचा प्रयत्न राहील, असेही ते म्हणाले होते.

वाचा: पुणे: करोनाबाधितानं क्वारंटाइन सेंटरमध्येच घेतला गळफास

कोव्हॅक्सीनची प्रतीक्षा

देशभरात करोना विषाणूचा कहर सुरू असताना येत्या १५ ऑगस्ट या दिवशी करोनाची कोव्हॅक्सीन या नावाची लस लॉन्च होण्याची शक्यता आहे. ही लस हैदराबादच्या भारत बायोटेक इंटरनॅशनल लिमिटेड (बीबीआयएल) या फार्मास्यूटीकल कंपनीने तयार केली आहे. भारत बायोटेक आणि भारतीय वैद्यकीय संशोधन परिषद (आयसीएमआर) संयुक्तपणे ही लस लॉन्च करण्याची शक्यता व्यक्त होत आहे. त्यात दररोज नवनव्या बातम्या येत असल्याने काहीसा संभ्रमही निर्माण झाला आहे. या पार्श्वभूमीवर आदर पूनावाला यांच्या विधानाला विशेष महत्त्व आहे.

वाचा: पुण्यात करोना विरोधी लढ्याला मोठं बळ; ‘हे’ अजित पवारच करू शकतात!

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)