dadar in danger zone: coronavirus : धारावीत करोना नियंत्रणात; पण दादर अद्यापही डेंजर झोनमध्ये – dharavi records just one three covid-19 case, but dadar in danger zone

0
31
Spread the love

मुंबई: धारावीतील करोनाचा प्रादुर्भाव रोखण्यात मुंबई महापालिका प्रशासनाला यश आलं असलं तरी दादरमध्ये मात्र करोनाचे रुग्ण वाढू लागल्याने आरोग्य प्रशासनासमोरची डोकेदुखी वाढली आहे. दादरमध्ये दररोज दुप्पट रुग्णसंख्या वाढत असल्याने प्रशासनासमोर नवं आव्हान उभं राहिलं आहे.

धारावीत काल केवळ एकच रुग्ण सापडला होता. आज धारावीत फक्त तीन रुग्ण सापडले आहेत. तर दादरमध्ये ४० आणि माहीममध्ये २४ रुग्ण सापडल्याने धारावी, दादर आणि माहीममधील करोना रुग्णांची संख्या ४ हजार ६८१ झाली आहे. दादरमध्ये काल २०, ६ जुलै रोजी २८, ५ जुलै रोजी १६, ४ जुलै रोजी २६, ३ जुलै रोजी २७, २ जुलै रोजी १२ आणि १ जुलै रोजी २१ रुग्ण सापडले होते. गेल्या आठ दिवसांत दादरमध्ये एकूण १९० रुग्ण सापडले आहेत. तर धारावीत या आठ दिवसात ७० रुग्ण आढळले आहेत. आशिया खंडातील सर्वात मोठी आणि दाटीवाटीची झोपडपट्टी असलेल्या धारावीत करोनावर नियंत्रण येत असले तरी दादरमध्ये रुग्णसंख्या कमी होण्याऐवजी वाढत चालल्याने चिंता व्यक्त केली जात आहे. दादरमध्ये क्वॉरंटाइन सेंटर, चेस द व्हायरस, कॉन्टॅक्ट ट्रेसिंग आदी गोष्टीची प्रभावी अंमलबजावणी करण्यात येत असूनही या ठिकाणची रुग्णसंख्या वाढू लागल्याने चिंता व्यक्त केली जात आहे.

अशी झाली धारावी करोनामुक्त

धारावीत सुरुवातीला ८० ते ९०च्या आसपास करोना रुग्ण सापडायचे. आता गेल्या दीड महिन्यापासून धारावीत २०च्या आत रुग्ण सापडत आहेत. आज धारावीत ३ रुग्ण सापडले. त्यामुळे धारावीतील करोना रुग्णांची संख्या २ हजार ३३८ झाली आहे. धारावीत आतापर्यंत सुमारे ८२ लोकांचा करोनाने दगावले आहेत. धारावीत मोठ्या प्रमाणावर करोना रुग्ण सापडल्याने एकच खळबळ उडाली होती. त्यामुळे मुंबई महापालिका, स्वयंसेवी संस्था, राज्य सरकार आणि अन्य संस्थांनी मिळून धारावीतील चार लाख घरांमध्ये जाऊन सर्व्हे केला होता. धारावीत सौम्य लक्षणे असलेल्यांनाही सुरुवातीच्या काळात क्वॉरंटाइन करण्यात आले होते. येथील रहिवाशांनीही प्रशासनाला साथ देत क्वॉरंटाइन सेंटरमध्ये राहून उपचार घेतले. क्वॉरंटाइन सेंटरमुळे महापालिकेला प्रचंड फायदा झाला. धारावीतील करोनाची वाढणारी संख्या त्यामुळे नियंत्रणात आली.

‘कोणाचा मंत्री कुठे फिरतोय हे मुख्यमंत्र्यांनाच माहिती नसतं’

या शिवाय पालिकेने क्वॉरंटाइन सेंटरमध्येच टेस्टिगंची सुविधा उपलब्ध करून दिली. तसेच स्क्रीनिंग, आयसोलेशन, कॉन्टॅक्ट ट्रेसिंगवरही पालिकेने अधिक जोर दिला. त्यामुळे करोनाला पायबंद घालता आला. एकट्या धारावीतीलच करोना रुग्णांची संख्या लाखाच्यावर जाईल, अशी भीती वर्तवण्यात आली होती. धारावीत करोनाचा संसर्ग वाढल्याने केंद्रीय आरोग्य पथकही धारावीत आले होते. या पथकानेही पालिकेला काही सूचना दिल्या. त्यामुळे धारावीतील करोना संसर्ग रोखण्यात पालिकेला यश आलं, असं सूत्रांनी सांगितलं.

चिंता वाढली…करोना विषाणूचा मेंदूवरच हल्ला; शास्त्रज्ञांनी दिला इशारा

चिंता नको! हवेतून पसरणाऱ्या करोनाचा खात्मा करणार ‘एअर फिल्टर’

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)