drugs smuggling: मुंबई: ‘तो’ एक्स्प्रेसमधून येत होता, बॅग चेक केल्यानंतर RPFही चक्रावले – mumbai drugs smuggling nigerian arrested by rpf central railway with rs 2 crore banned drugs amphetamine

0
24
Spread the love

मुंबई: रेल्वे पोलिसांच्या (RPF) प्रयत्नांना अखेर मोठं यश मिळालं आहे. नवी दिल्ली – एर्नाकुलम मंगला एक्स्प्रेसमधून आणण्यात येणारे तब्बल २ कोटी रुपये किंमतीचे अंमली पदार्थ आरपीएफने जप्त केले आहे. बॅगमधून अंमली पदार्थ आणणाऱ्या नायजेरियन नागरिकाला अटक करण्यात आली आहे. मध्य रेल्वेने बुधवारी ही माहिती दिली.

नवी दिल्लीहून एर्नाकुलम मंगला एक्स्प्रेसमधून येणाऱ्या आरोपीकडील बॅगमध्ये नार्कोटिक ड्रग्स ॲण्ड सायकोट्रॉपिक सबटंन्स ॲक्ट अन्वये (एनडीपीएस) बंदी असलेले अॅम्फेटॅमाइन हे अंमली पदार्थ होते. त्याची किंमत अंदाजे २ कोटी रुपये आहे. रेल्वे पोलिसांनी या नायजेरियन नागरिकाला अटक केली आहे.

रेल्वे पोलीस दलातील हेड कॉन्स्टेबल के. एन. शेलार आणि शिवाजी पवार यांनी नायजेरियन व्यक्तीला अटक केली आहे. तो नवी दिल्ली-एर्नाकुलम मंगला एक्स्प्रेसमधून प्रवास करत होता. नवी मुंबईतील निलजे आणि तळोजा या रेल्वे स्थानकांदरम्यान तो उतरला होता. त्याचवेळी सतर्क असलेले शेलार आणि शिवाजी पवार यांनी त्याच्या मुसक्या आवळल्या. मिळालेल्या माहितीनुसार, त्याला ठाणे (दिवा) रेल्वे पोलीस ठाण्यात आणण्यात आले. तेथे त्याची चौकशी केली. सनी ओका आयके (वय ४१) असे त्याचे नाव असून, तो नायजेरियाचा नागरिक आहे.

महिलेनं पोलीस अधिकाऱ्याच्या कानाखाली मारली; व्हिडिओ व्हायरल

पुणे: भोर हादरला, पॅरोलवर सुटलेल्या खुनातील आरोपीची निर्घृण हत्या

नवी दिल्ली येथून पनवेलला तो एर्नाकुलम मंगला एक्स्प्रेसने एसी ३ टायरमधून प्रवास करत होता. त्याच्या बॅगची झडती घेतल्यानंतर त्यात अंमली पदार्थ आढळून आले. रेल्वे पोलिसांनी त्याला ताब्यात घेतले आणि चौकशीसाठी पोलीस ठाण्यात आणले. या प्रकरणी मुंबईतील अंमली पदार्थ नियंत्रण विभागाशी (NCB) समन्वय साधून मदत मागितल्याचे मध्य रेल्वेने सांगितले. तपास पथक आणि आरपीएफमधील तज्ज्ञांमार्फत बॅगमध्ये सापडलेले अंमली पदार्थ तपासण्यात आले असता, ते अॅम्फेटॅमाइन असल्याचे स्पष्ट झाले. साधारण सव्वादोन किलो इतके असून, त्याची किंमत अंदाजे २ कोटी रुपये आहे. दरम्यान, आरोपीला आणि त्याच्याकडील जप्त केलेले अंमली पदार्थ एनसीबीच्या अधिकाऱ्यांच्या ताब्यात देण्यात आले असून, नार्कोटिक ड्रग्स ॲण्ड सायकोट्रॉपिक सबटंन्स ॲक्ट अन्वये पुढील कारवाई करण्यात येत आहे. करोना प्रादुर्भाव रोखण्यासाठी लागू करण्यात आलेल्या लॉकडाउनच्या काळात कडक सुरक्षा व्यवस्था असतानाही अंमली पदार्थ तस्करांचे कारनामे सुरूच असल्याचे यावरून उघड झाले आहे.

१० वर्षीय मुलाला व्हॅनखाली चिरडल्यानंतर नाल्यात फेकलं; सीसीटीव्हीत कैद

४ हजार रुपयांसाठी मित्राचा जीव घेतला; दारू पाजल्यानंतर गळा आवळला

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)