india news News : मोदींचे नेमके ‘ते’ जुने ट्विट सापडले; काँग्रसेने घेरले… केला सवाल! – india china clash congress reminds pm narendra modi his comments on troops withdrawal with his old tweet of 2013 when modi was cm of gujrat

0
27
Spread the love

नवी दिल्ली: गलवान खोऱ्यात चीनी सैन्य मागे हटल्यानंतर आता भारतीय सैनिकही हिंसक संघर्ष झालेल्या जागेजवळून मागे हटले आहे. या वरून काँग्रेस पक्षाने पंतप्रधान नरेंद्र मोदी यांना घेरले आहे. पंतप्रधान मोदी यांच्या एका जुन्या ट्विटचा आधार घेत काँग्रेस पक्षाने मोदींना प्रश्न विचारले आहेत. काँग्रेसचे प्रवक्ते रणदीपसिंह सुरजेवाला यांनी २०१३ मध्ये चीनच्या संदर्भात मोदी यांनी केलेले ट्विट करत मोदींना कोंडीत पकडले आहे. देशाला या प्रश्नांची उत्तरे हवी आहेत, असे आवाहन सुरजेवाला यांनी आवाहन केले आहे. मोदी यांनी सन २०१३ मध्ये या ट्विटद्वारे भारतीय सैन्य मागे हटल्याबाबत त्यावेळच्या सरकारला प्रश्न विचारला आहे.

मोदींना विचारले, आपल्या शब्दांना काही अर्थ आहे का?

सुरजेवाला यांनी पंतप्रधान नरेंद्र मोदी यांना त्यांच्या जुन्या वाक्याची आठवण करून दिली. सुरजेवालांनी विचारले, ‘ आदरणीय पंतप्रधानजी, तुम्हाला तुमचे शब्द आठवतात का? काय तुमच्या शब्दाला काही महत्त्व आहे का? आता तुम्ही सांगू शकला का की आमच्याच भूमीवरून आमचेच सैनिक मागे का हटत आहेत?’. देशाला उत्तर हवे आहे, असेही सुरजेवाला यांनी पुढे लिहिले आहे.

वाचा: चीनी सैनिकांनंतर गलवानमधून भारतीय सैनिकही हटले दीड किमी मागे
त्यावेळी मोदींनी व्यक्त केले होते आश्चर्य

पंतप्रधान नरेंद्र मोदी यांनी सन २०१३ मध्ये हे ट्विट केले होते. त्यावेळी मोदी यांनी आपल्या ट्विटमध्ये लिहिले होते, ‘चीन आपल्या सैनिकांना हटवत आहे, मात्र भारतीय सैनिक आपल्या क्षेत्रातून मागे का हटत आहेत, याचे मला आश्चर्य वाटत आहे? आम्ही का हटत आहोत?’. पंतप्रधान नरेंद्र मोदी यांनी जेव्हा हे ट्विट केले तेव्हा ते गुजरातचे मुख्यमंत्री होते. त्यावेळी ते लोकसभा निवडणूक २०१४ साठी भारतीय जनता पक्षाचे पंतप्रधानपदाचे उमेदवार असतील अशी जोरदार चर्चा होती. याच कारणामुळे राष्ट्रीय राजकारणाच्या मुद्द्यावर सक्रिय होते.

वाचा:लेहजवळ बांधले ३ नवे पूल, चीन सीमेवर सहज पोहोचणार रणगाडे

दरम्यान, भारत आणि चीनच्या राष्ट्रीय सुरक्षा सल्लागारांदरम्यान झालेल्या चर्चेनंतर गलवान खोऱ्यात हिंसक संघर्ष झालेल्या ठिकाणावरून भारतीय सैनिक देखील १.५ किलोमीटर मागे हटले आहेत. इंग्रजी वर्तमानपत्र ह ‘द हिंदू’ने केंद्र सरकारच्या एका वरीष्ठ अधिकाऱ्याच्या हवाल्याने हे वृत्त दिले आहे. चर्चेत हिंसक घटना घडलेल्या ठिकाणावरून दोन्ही देशांच्या सैनिकांनी मागे हटावे यावर सहमती झाल्याचे लष्करातील सूत्रांचेही म्हणणे आहे. दोन्ही देशांचे सैन्य मागे हटल्यानंतर पुढील दिशा काय असेल यावर चर्चा केली जाईल असे सूत्रांनी सांगितले. राष्ट्रीय सुरक्षा सल्लागार अजित डोवाल आणि वांग यी यांच्या व्हिडिओ कॉन्फरन्सिंगद्वारे झालेल्या चर्चेनंतर चीनने आपले सैनिक १.५ किमी मागे हटवणे सुरू केले आहे.

वाचा: गलवानमध्ये चीनला मागे हटवण्यात भारताची ‘ही’ रणनिती आली कामी!

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)