Kolhapur News : आषाढी यात्रेच्या बंदोबस्ताला गेले अन् सगळेच क्वारंटाइन झाले – coronavirus maharashtra ashadi ekadashi 2020 pandharpur security

0
24
Spread the love

म. टा. प्रतिनिधी, कोल्हापूरः आषाढी यात्रेला गर्दी होऊ नये म्हणून पंढरपूरात संचारबंदी पुकारण्यात आली. त्याच्या बंदोबस्तासाठी कोल्हापूरचे साठ पोलिस तेथे गेले. मात्र याच काळात तेथील दोन नागरिकांना करोनाची बाधा झाली. यामुळे त्यांच्याशी संपर्क आल्याच्या पार्श्वभूमीवर त्या साठ पोलिसांची संस्थात्मक विलगीकरण कक्षात रवानगी करण्यात आली. यामुळे आता १४ दिवस त्यांना घरी जाता येणार नसल्याने पंढरपूर चांगलेच महागात पडल्याची चर्चा पोलिस दलात सुरू झाली आहे.

करोना च्या पार्श्वभूमीवर पंढरपूरची आषाढी वारी रद्द करण्यात आली. भाविकांची गर्दी होऊ नये म्हणून तेथे संचारबंदी पुकारण्यात आली. तेथील बंदोबस्तासाठी दोन अधिकारी व ५८ पोलिस कोल्हापूरातून पाठवण्यात आले होते. आठ दिवसानंतर हे पोलिस शुक्रवारी परतले. पण याच काळात तेथे दोघांना करोनाची बाधा झाली. त्यांच्याशी या पोलिसांचा संसर्ग आल्याचे समजते. यामुळे कोल्हापुरात येताच या सर्वांच्या स्वॅबची तपासणी करण्यात आली. त्यांचा अहवाल अजून प्राप्त झाला नाही. पण तोपर्यंत त्यांची रवानगी संस्थात्मक विलगीकरण कक्षात करण्यात आली आहे.

निगेटिव्ह म्हणून डिस्चार्ज; २ दिवसांनी सांगितलं, पॉझिटिव्ह आहात!

जिल्ह्यात करोनाचा कहर अजून सुरूच आहे. दिवसभरात २३ पॉझिटिव्ह आढळले. यामुळे करोना बाधितांचा आकडा आता हजाराकडे निघाला आहे. दरम्यान, जिल्ह्यातील एका आमदार पूत्रासह नातवालाही करोना संसर्गाची बाधा झाल्याने खळबळ उडाली आहे. इचलकरंजी शहरातील पॉझिटिव्ह संख्या ५१ वर पोहोचली असून शनिवारी एका महिलेचा करोना संसर्गाने मृत्यू झाला. यामुळे जिल्ह्यात करोना बळीचा आकडा १४ झाला आहे. या सर्व पार्श्वभूमीवर शहरात समुह संसंर्गाचा धोका संभवत असल्याने इचलकरंजी, शहापूर, कबनूर,चंदूर, तारदाळ, खोतवाडीत लॉकडाऊन अधिक तीव्र करण्यात आला आहे. ज्या आमदार पुत्राला करोना ची लागण झाली आहे, ते आमदार दोन दिवसापूर्वी कोल्हापुरातील एका सरकारी बैठकीस उपस्थित होते. यामुळे यावेळी उपस्थित अधिकाऱ्यांमध्ये खळबळ उडाली आहे.

१५ ऑगस्टपर्यंत करोनावरील लसच्या दाव्यावर सवाल, ICMR ने दिलं हे स्पष्टीकरण

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)