kolhapur road accident: कोल्हापुरात भीषण अपघात; अंगावर शहारे आणणारे CCTV फुटेज – one died and one injured in road accident in kolhapur

0
31
Spread the love

म. टा. प्रतिनिधी, कोल्हापूर: धैर्यप्रसाद हॉल ते सदर बाजार चौक मार्गावर गोल्ड जीमसमोर रॉंग साईडने जाणाऱ्या दुचाकीला भरधाव जीपने उडवले. या भीषण अपघातात दुचाकीवरील पिता जागीच ठार झाला, तर पुत्र गंभीर जखमी झाला आहे. पुरुषोत्तम वासुदेव बालिगा (वय ५८, रा. घाटगे कॉलनी, कदमवाडी) असे मृताचे नाव आहे. हा अपघात शनिवारी सकाळी आठच्या सुमारास घडला.

घटनास्थळावरून मिळालेल्या माहितीनुसार, पुरुषोत्तम बालिगा हे दुचाकीवरून त्यांच्या मुलासह ताराबाई पार्कातून कदमवाडी येथील घराकडे निघाले होते. चुकीच्या दिशेने सदर बाजार चौकाकडे जाताना समोरून येणाऱ्या भरधाव जिपने त्यांच्या दुचाकीला समोरून धडक दिली. ही धडक एवढी जोरदार होती की, दुचाकीवरील दोघे पिता-पुत्र १० ते १५ फूट हवेत उडून रस्त्यावर फेकले गेले. जीप देखील रस्त्याच्या दुसऱ्या बाजूला जाऊन उलटली. या अपघातात दुचाकीवरील पुरुषोत्तम बालिका यांचा जागीच मृत्यू झाला, तर त्यांचा मुलगा गंभीर जखमी झाला. जीप चालकही किरकोळ जखमी झाला आहे. सुदैवाने जीप उलटलेल्या ठिकाणाहून काही सेकंदांपूर्वीच एक दुचाकी निघून गेली. परिसरातील नागरिकांनी जखमींना तातडीने उपचारासाठी सीपीआरमध्ये दाखल केले. अपघाताची माहिती मिळताच शाहूपुरी पोलिसांनी घटनास्थळी धाव घेऊन पुरुषोत्तम बालिका यांचा मृतदेह उत्तरीय तपासणीसाठी सीपीआरमध्ये पाठवला.

सकाळच्या वेळेत रस्त्याला फारशी वर्दळ नसल्याने बालिका पिता-पुत्र धैर्यप्रसाद चौकातून डाव्या बाजूने जाण्याऐवजी रस्त्याच्या उजव्या बाजूने सदर बाजार चौकाच्या दिशेने निघाले होते. वेळ वाचवण्यासाठी त्यांनी शॉर्टकट मारला, मात्र तो जीवावर बेतला. हा भीषण अपघात परिसरातील सीसीटीव्ही कॅमेऱ्यात कैद झाला आहे. या परिसरात ताराबाई पार्कातून येणाऱ्या दोन मार्गांवरून उलट्या दिशेने वाहतूक सुरू असते. यामुळे अनेकदा छोटे-मोठे अपघात घडतात. अपघात रोखण्यासाठी उलट्या दिशेने होणारी वाहतूक पोलिसांनी थांबवावी, अशी मागणी परिसरातील नागरिकांकडून होत आहे.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)