LIC: छप्पर फाड़ के; करोना काळात भारतीय कंपनीने कमवले ९७ हजार ४०० कोटी! – life insurance corporation in first quarter equity investment soars 23 percent

0
25
Spread the love

मुंबई: भारतीय शेअर बाजारातील सर्वात मोठी संस्थांत्मक गुंतवणूक करणाऱ्या लाइफ इन्शोरन्स कॉर्पोरेश (LIC)साठी आर्थिक वर्षातील पहिले तिमाही धमाकेदार ठरले. या काळात कंपनीच्या इक्विटी पोर्टफोलियोमध्ये २३ टक्के वाढ झाली. करोना काळात कंपनीचे बाजार भांडवल ३० जून रोजी ५.२७ लाख कोटीवर पोहोचले आहे. ते ३१ मार्च रोजी ४.३० लाख कोटी इतके होते. याचाच अर्थ गेल्या तीन महिन्यात एलआयसीने जवळ जवळ ९७ हजार ४०० कोटी रुपयांची कमाई केली.

वाचा- ‘या’ कंपनीचा शेअर ३ हजार डॉलरवर; CEO झाला मालामाल!

असे काय केले LICने….

एलआयसीच्या आकडेवारीवर नजर टाकल्यास असे दिसून येते की नफा मिळवण्यासाठी कंपनीने गेल्या तिमाहीत अशा शेअर्सची खरेदी केली ज्यांच्या किमती फारच कमी होत्या. यात बिडला टायरर्स या कंपनीचा समावेश होता. या कंपनीच्या शेअर्समध्ये १ हजार ६०३ टक्के इतकी वाढ झाली. एलआयसीच्या पोर्टफोलिओ मध्ये टक्केवारीत या शेअर्सची सर्वात मोठी वाढ झाली आहे. ३१ मार्च रोजी बिडला टायर्सच्या शेअर्सची किमत २.९५ रुपये होती. या शिवाय आलोक इंडस्ट्रीज (१ हजार २५५ टक्के वाढ), दिग्जॅम (२८३ टक्के वाढ), रिलायन्स होम फायन्सांस (२७५ टक्के वाढ) आणि जयप्रकाश पॉवर वेंचर्स (२७२ टक्के वाढ) यांच्या शेअर्समुळे मोठा नफा झाला.

वाचा- व्याजदर कपात ; जाणून घ्या कोणत्या बँकेचे कर्ज झाले स्वस्त

गेल्या तीन महिन्यात रिलायन्स पॉवर, कॉक्स आणि किंग्स, बल्लारपूर इंडस्ट्रीज, जेपी इन्फाटेक, जीटीएल इन्फ्रा, रिलायन्स कॅपिटल, बजाज हिंदुस्तान आणि सुजलॉन एनर्जी या कंपन्यांच्या शेअर्समध्ये १०० टक्के वाढ झाली आहे. या सर्व कंपन्यांचे शेअर्सची किमत मार्चच्या तिमाहीमध्ये १० रुपयांपेक्षा कमी होती.

एलआयसी देशातील सर्वात मोठी विमा कंपनी आहे. त्याला झालेला नफा गुंतवणुकदारांमध्ये वाटला जातो. तो डिव्हिडेंड आणि बोनस स्वरुपात असतो. एलआयसी सर्व सामान्यांचा पैसा शेअर बाजारात गुंतवते आणि मोठ्या नफ्याचा फायदा गुंतवणुकदारांना देते. २०१५-१६ मध्ये LICने ११ हजार कोटी रुपयांचा नफा कमवला होता. त्यानंतर हा नफा गुंतवणुकदारांमध्ये ४० टक्के डिव्हिडेंड आणि बोनस स्वरुपात वाटला होता.

वाचा- ‘लॉकडाउन’चे चटके; अर्थव्यवस्थेचे ३४ हजार कोटींचे नुकसान

मुल्याच्या आधारावर बोलायचे झाले तर जून तिमाहीत एलआयसीने ९७ हजार ४०० कोटी रुपयांची कमाई केली. यात २२ हजार ३६० कोटींचा नफा रिलायन्स इंडस्ट्रीजपासून मिळाला आहे. जून तिमाहीत एलआयसीचा शेअर १ हजार १०२ रुपयांवरून १ हजार ७०३ रुपयांवर पोहोचला. मार्च महिन्यात २३ टक्के घसरण झालेले शेअर जून तिमाहीत १८ टक्क्यांनी वाढले.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)