Mahajobs : ‘महाजॉब्स पोर्टल’वरून भाजपने शिवसेना-राष्ट्रवादीला घेरले – Maha Jobs Portal Is The Waste Of Money, Bjp Attacks Thackeray Sarkar

0
52
Spread the love

मुंबई: भूमिपुत्रांना रोजगार मिळावा म्हणून महाविकास आघाडी सरकारनं सुरू केलेल्या ‘महाजॉब्स’ या ऑनलाइन पोर्टलच्या आवश्यकतेवर भाजपनं प्रश्नचिन्ह उपस्थित केलं आहे. राष्ट्रवादी काँग्रेसचे नवाब मलिक यांच्या खात्यामध्ये आधीपासूनच अशा स्वरूपाचं पोर्टल असताना वेगळे पोर्टल का?,’ असा खोचक सवाल भाजपचे आमदार राम कदम यांनी केला आहे.

वाचा: मराठी तरुणांसाठी उघडले रोजगाराचे महाद्वार

लॉकडाऊनच्या काळात अनेक कामगार व मजूर राज्याबाहेर गेल्यानं मुंबईसह महाराष्ट्रातील कंपन्यांपुढं मनुष्यबळाच्या टंचाईचा प्रश्न उभा ठाकणार आहे. तो सोडवण्यासाठी महाविकास आघाडी सरकारनं महाजॉब्स पोर्टल (Mahajobs Portal) सुरू केलं आहे. हे पोर्टल राज्यातील उद्योग व कुशल आणि अकुशल कर्मचाऱ्यांमधील दुवा ठरणार आहे. याद्वारे कंपन्यांना आवश्यक ते मनुष्यबळ मिळणार असून स्थानिकांसाठी रोजगाराचे द्वार खुले होणार आहे. मुख्यमंत्री उद्धव ठाकरे यांनी सोमवारी या पोर्टलचे ऑनलाइन उद्घाटन केले. मात्र, आघाडी सरकारमधील अन्य मंत्रीही या उद्घाटन सोहळ्यास उपस्थित होते.

वाचा: हॉटेल, लॉज उद्यापासून… मेट्रोचे टाळे कधी उघडणार?

भाजपचे आमदार राम कदम यांनी या पोर्टलवरून महाविकास आघाडीतील मतभेदांवर बोट ठेवलं आहे. त्यांच्या म्हणण्यानुसार, नवाब मलिक यांच्या खात्याच्या अखत्यारीत ‘महास्वयंम‘ या नावानं अनेक वर्षांपासून एक पोर्टल आहे. त्याचा उद्देशही रोजगार देणे हाच आहे. असे असतानाही कोट्यवधी रुपये खर्चून ‘महाजॉब्स’ का सुरू करण्यात आलं? हा शिवसेना आणि राष्ट्रवादी यांच्यातील समन्वयाचा अभाव आहे की आपसातील भांडण,’ असा प्रश्न त्यांनी उपस्थित केला आहे.
वाचा: पुण्यातील वकिलानं ७५ वर्षीय वडिलांना दिलं अनोखं बर्थ-डे गिफ्ट

‘तरुणांना नोकऱ्या मिळाल्यावर दोन्ही पक्षांचा श्रेय घेण्याचा प्रयत्न आहे का? पोर्टलच्या निमित्तानं कुणाचे उखळ पांढरे करायचे आहे? महाराष्ट्रातील जनतेच्या पैशाच्या अशा उधळपट्टीचे नेमके काय कारण?,’ अशी विचारणाही कदम यांनी ट्विटच्या माध्यमातून केली आहे. ‘आमच्या पोलिसांचा कापलेला पगार द्यायला पैसे नाहीत म्हणणाऱ्या सरकारने याचे उत्तर द्यावे,’ असंही त्यांनी सुनावलं आहे.

वाचा: फेरीवाल्याचं काय होणार?; राज्य सरकारने कोर्टापुढे मांडली भूमिका

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)