Mumbai rains: Mumbai Rains: मुंबई, ठाण्यात पावसाची संततधार; पुढचे काही तास धोक्याचे – heavy rain lashes parts of mumbai and thane

0
24
Spread the love

मुंबई:मान्सून दाखल झाल्यानंतर मध्ये काही दिवस दडी मारणाऱ्या पावसाने मुंबईत जोरदार कमॅबक केला आहे. आज दिवसभर मुंबईत दमदार पाऊस कोसळत आहे. मुंबईसह ठाणे, पालघर व संपूर्ण कोकणपट्टीत संततधार पाऊस सुरू आहे. दरम्यान, पुढच्या काही तासांत मुंबई, ठाणे व रायगड जिल्ह्यांत काही ठिकाणी अतिवृष्टी होण्याची शक्यता हवामान विभागाने वर्तवली आहे.

मुंबई शहर आणि उपनगरात आज दिवसभर पाऊस कोसळत आहे. दुपारनंतर पावसाचा जोर अधिकच वाढला आहे. कुलाबा वेधशाळेच्या नोंदीनुसार मुंबई शहरात गेल्या २४ तासांत १६९ मिलीमीटर पाऊस पडला तर सांताक्रूझ वेधशाळेच्या नोंदीनुसार उपनगरांत १५७ मिलीमीटर पाऊस झाला आहे. मुंबईसह ठाणे, पालघर, नवी मुंबई, रायगड, रत्नागिरी आणि सिंधुदुर्ग जिल्ह्यातही मुसळधार पाऊस कोसळत आहे. पुढचे २४ तास या सर्वच भागांत पावसाचा जोर कायम राहणार असल्याचा अंदाज हवामान विभागाने बांधलेला आहे. मुंबई, ठाणे, पालघर, रायगड या चार जिल्ह्यांसाठी आजच्यापुरताच रेड अॅलर्ट असून आजच्या तुलनेत उद्या पाऊस कमी असणार आहे.

> कांजूरमार्ग जंक्शन येथे उड्डाणपुलाजवळ पावसामुळे भरधाव टेम्पो उलटला. अपघातात सुदैवाने जीवितहानी झाली नाही.

> वाळकेश्वर येथील सम्राट अशोक सोसायटी येथे दरड कोसळून एका कारचे मोठे नुकसान झाले. सुदैवाने कुणालाही इजा झाली नाही.

> उपनगरात होत असलेल्या संततधार पावसामुळे मिठी नदीची पाणीपातळी वाढली आहे. मुंबई विमानतळाजवळ पाणीपातळीत मोठी वाढ झाली आहे.

> पावसाचा जोर वाढला असताना आज समुद्रालाही मोठी भरती आहे. मरिन ड्राइव्ह, बँडस्टँड येथे उंचच उंच लाटा उसळल्या होत्या. किनाऱ्याला लागून असलेल्या वस्त्यांना भरतीचा फटका बसला.

> दहिसर सबवेत पाणी भरले आहे. पालिकेचे कर्मचारी पाणी पंपाद्वारे हटवण्याचे काम युद्धपातळीवर करत आहेत. अंधेरी सबवे येथे पाणी भरण्याची शक्यता लक्षात घेऊन पालिकेने कर्मचारी तैनात केले आहेत. हिंदमाता व किंग्ज सर्कल भागात अद्याप पाणी भरलेले नाही.

> मालाड कुरार व्हिलेज येथील पारेख नगरात उद्यानाच्या भिंतीचा काही भाग कोसळला. त्यात कोणतीही जीवितहानी झाली नाही.

> मुंबईसह नवी मुंबईतही पावसाचा जोर वाढला आहे. खारघर येथील प्रसिद्ध पांडवकडा धबधबा वाहू लागला आहे.

> सानपाडा रेल्वेस्टेशनजवळ ट्रॅकखालून जाणारा रस्ता जलमय झाला आहे.

> ठाण्यात दोन ठिकाणी भिंत कोसळण्याच्या घटना घडल्या. हाजुरी येथील खेतले गार्डन येथे १२ फुटी संरक्षक भिंत कोसळली तर आझाद नगर येथेही भिंत कोसळली मात्र दोन्ही घटनांत सुदैवाने कुणीही जखमी झालं नाही.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)