PM Narendra Modi: पंतप्रधान मोदींनी बिहार भाजप कार्यकर्त्यांना दिला ‘हा’ महामंत्र – seva hi sangathan pm narendra modi interacts with bjp workers through video conferencing

0
23
Spread the love

पाटणा: बिहारच्या भारतीय जनता पक्षाचे कार्यकर्ता आणि सहकारी अभिनंदनास पात्र आहेत. इतर लोक म्हणतात की पूर्वेकडील भारतात अधिक गरिबी आहे, म्हणून तेथे करोना अधिक प्रमाणात पसरेल. परंतु त्या सर्वांना तुम्ही सर्वांनी चुकीचे ठरवले, असे म्हणत ‘सेवा हेच संघटन’ या कार्यक्रमात संबोधित करताना पंतप्रधान नरेंद्र मोदी यांनी बिहारमधील भारतीय जनता पक्षाच्या कार्यकर्त्यांची प्रशंसा केली आहे. उत्तर प्रदेश आणि बिहारसारख्या राज्यांसाठी मोठे आव्हान उभे असल्याचे मी पाहत आहे. परराज्यांमधून परत आलेल्या मजुरांसाठी तुम्ही लोकांनी विडा उचलला आहे, असे सांगत असताना या संकटाच्या काळात पुढील काळातही असेच प्राणांची पर्वा न करता काम करण्याचे आवाहन पंतप्रधानांनी बिहारच्या कार्यकर्त्यांना केले.

‘सेवा हीच संघटना’ कार्यक्रमात मोदींनी केले संबोधित

पंतप्रधान नरेंद्र मोदी यांनी भारतीय जनता पक्षाच्या कार्यकर्त्यांसोबत डिजिटल समीक्षा बैठक घेतली. येणाऱ्या काळात करोनाविरुद्धची लढाई कशा प्रकारे लढावी लागेल याबाबत पंतप्रधान नरेंद्र मोदी कार्यकर्त्यांना मार्गदर्शन केले. आतापर्यंत तुम्ही जशी लोकांना मदत करत आलात, तशीच मदत यापुढील काळातही करत राहा, असे पंतप्रधान कार्यकर्त्यांना म्हणाले.

बिहार प्रदेश भाजप कार्यालयात पंतप्रधान नरेंद्र मोदी यांच्या या डिजिटल समीक्षा बैठकीत उपमुख्यमंत्री सुशील मोदी, बिहार भाजप प्रदेशाध्यक्ष डॉ. संजय जयस्वाल, भाजपचे राष्ट्रीय महामंत्री आणि बिहारचे प्रभारी भूपेंद्र यादव, बिहार सरकारचे आरोग्य मंत्री मंगल पांडे आणि बिहार सरकारचे रस्ते निर्माण मंत्री नंदकिशोर यादव यांच्यासह अनेक भाजप नेते उपस्थित होते.

वाचा: स्वावलंबी भारत: TiKToK ला टाळे ठोकत मोदींनी देशाला दिले ‘App चॅलेन्ज’

जेपी नड्डा यांनी दिली कार्यकर्त्यांच्या कामाची माहिती

या पूर्वी भाजपचे राष्ट्रीय अध्यक्ष जे. पी. नड्डा यांनी आतापर्यत चार हजार डिजिटल माध्यमाद्वारे कार्यकर्त्यांशी चर्चा केली आहे. या द्वारे अडीच लाख कार्यकर्त्यांमध्ये आम्ही पोहोचलो असल्याचे ते म्हणाले. पंतप्रधानाच्या २० लाखांच्या पॅकेजची जागतिक बँकेनेही प्रशंसा केली आहे, असेही ते म्हणाले. आमच्या कार्यकर्त्यांनी तब्बल ५ लाख फेस मास्क बनवून लोकांपर्यंत पोहोवले असल्याची माहितीही नड्डा यांनी दिली. या बरोबरच भाजप कार्यकर्त्यांनी करोनाच्या काळात २२ कोटी लोकांपर्यंत भोजन पोहोचवण्याचे काम केल्याचेही ते म्हणाले. तसेच कार्यकर्त्यांनी १५, दिवस, २० जिवस आणि १ महिन्याचे रेशनही लोकांपर्यंत पोहोचवले आहे. ही एकूण ५ कोटी धान्याची पाकिटं असल्याचे ते म्हणाले. तसेच पीएम केअर्स फंडाच्या कामाशी ५८ लाख कार्यकर्त्यांना जोडण्याचे काम केल्याचेही ते म्हणाले.

वाचा: धर्मचक्र दिन Live: पंतप्रधान मोदी यांचे देशवासीयांना थोड्याच वेळात संबोधन
वाचा: फोटोफीचर: पंतप्रधान मोदींचे हे ५ मुद्दे चीनला टोचले असणार

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)