Process Issue against Indurikar Maharaj: Indurikar Maharaj: महाराज अडकत चाललेत! आता कोर्टाची वारी करावी लागणार – sangamner court orders to start prosecutions against indurikar maharaj

0
23
Spread the love

म. टा. प्रतिनिधी । नगर

कीर्तनातून प्रसुतीपूर्व गर्भलिंग चिकित्सा नियंत्रण कायद्याचा (पीसीपीएनडीटी) भंग केल्याच्या आरोपावरून कीर्तनकार निवृत्ती महाराज देशमुख (इंदोरीकर) त्यांच्याविरुद्ध प्रोसेस इश्यू करण्याचा आदेश संगमनेर येथील न्यायलयाने आज दिला. त्यानुसार इंदोरीकरांना समन्स पाठविण्यात येणार असून पुढील सुनावणी ७ ऑगस्टला होणार आहे. संगमनेरचे प्रथमवर्ग न्यायदंडाधिकारी प्रसाद कोळेकर यांनी हा आदेश दिला.

‘शिर्डीत कोणालाही पाठवू नका; अन्यथा गडबड होईल’

‘सम तिथीला संबध ठेवल्यास मुलगा होतो व विषम तिथीला मुलगी,’ असे वक्तव्य केल्याचा व्हिडिओ व्हायरल झाल्याने इंदोरीकर महाराज वादाच्या भोवऱ्यात सापडले. जिल्हा रुग्णालयाच्या पीसीपीएनडीटी सल्लागार समितीच्या बैठकीत त्यांच्याविरुद्ध गुन्हा दाखल करण्याचा निर्णय झाला होता. त्यानुसार संगमनेरच्या न्यायालयात त्यांच्याविरुद्ध फिर्याद दाखल करण्यात आली होती. त्यावर आज सुनावणी होती. या प्रकरणात सरकारतर्फे अड. लीना चव्हाण काम पाहत आहेत. कोर्टाने आज या प्रकरणात प्रोसेश इश्यू करण्याचा आदेश दिला. त्यामुळे आता इंदोरीकरांना समन्स पाठविण्यात येईल. त्यावर पुढील सुनावणी सात ऑगस्टला आहे. या दिवशी इंदोरीकरांना जामीन देऊन आपली बाजू मांडण्याची प्रक्रिया सुरू करता येईल. याशिवाय या निर्णयाविरुद्ध वरच्या कोर्टात आपील करण्याचाही पर्याय त्यांच्यासमोर आहे. मात्र, या प्रकरणावरून आता त्यांना न्यायलयीन प्रक्रियेला सामोरे जावे लागणार आहे. दरम्यान, हे प्रकरण कोर्टात गेल्यापासून जिल्ह्यात इंदोरीकरांच्या समर्थनार्थ आंदोलने सुरू झाली आहेत. ठिकाठिकाणी वारकरी संघटना आणि त्यांच्या समर्थकांनी सरकारी अधिकाऱ्यांना निवेदने देत त्यांच्याविरुद्धचा गुन्हा मागे घेण्याची मागणीही केली आहे.

हे चित्र देशाच्या इभ्रतीला डाग लावणारे आहे?: शिवसेना

काय आहे प्रकरण?

इंदोरीकरांच्या व्हायरल व्हिडिओसंबंधी जिल्हा समितीच्या निर्णयानुसार संगमनेर ग्रामीण रुग्णालयामार्फत नोटीस देण्यात आली. त्यावर खुलासा करताना इंदोरीकरांनी हे आरोप फेटाळून लावले होते. अंधश्रद्धा निर्मूलन समितीने याचा पाठपुरावा सुरू केला. समितीच्या जिल्हाध्यक्ष अॅड. रंजना गावंदे यांनी जिल्हा शल्य चिकित्सकांना भेटून सविस्तर निवेदन दिले. सोबत पेन ड्राइव्ह व सीडीद्वारे पुरावेही दिले. यानुसार कायद्याचा भंग झाल्याचे आढळून येत असून सरकारी यंत्रणेने कारवाई केली नाही, तर आम्ही पुढील कायदेशीर मार्गाचा अवलंब करू, असा इशाराही गवांदे यांनी दिला होता. भूमाता ब्रिगेडच्या तृप्ती देसाई यांनीही या प्रकरणाचा पाठपुरावा केला.

वाचा: जीएसबी मंडळ गणेशोत्सव साजरा करणार, पण…

जिल्हास्तरीय सल्लागार समितीची बैठक १२ मार्च रोजी झाली. या बैठकीत तक्रार, खुलासा, अंनिसने दिलेले व्हिडिओ, वृत्तपत्रांत आलेल्या बातम्या, इंदोरीकरांनी दिलेल्या मुलाखती यांचा विचार करण्यात आला. त्यानुसार समितीमधील कायदेशीर तज्ज्ञ, वैद्यकीय अधिकारी आणि अन्य सदस्य या सर्वांनी एकमताने इंदोरीकरांनी सादर केलेला खुलासा फेटाळून त्यांच्याविरुद्ध गुन्हा दाखल करण्याचा निर्णय घेतला. या कायद्यातील कलम २२ चा भंग केल्याचा गुन्हा संगमनेर येथील प्रथमवर्ग न्यायदंडाधिकारी यांच्या कोर्टात दाखल करण्यासाठी संगमनेर तालुका वैद्यकीय अधीक्षक यांना प्राधिकृत करण्यात आले. त्यानुसार संगमनेर तालुका वैद्यकीय अधीक्षक डॉ. भास्कर भवर यांनी फिर्याद आणि पुराव्याची कागदपत्रे अलीकडेच न्यायालयात दाखल केली. त्यावर आता पुढील प्रक्रिया सुरू झाली आहे.

वाचा: नातीनं आजीचं नाक कापलं; परेश रावल यांची प्रियांकांवर जहरी टीका

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)