Rajgruha Vandalism: Rajgruha Vandalism: ‘राजगृह’ तोडफोड प्रकरणी एकाला अटक; मुख्य आरोपी अद्याप मोकाट – rajgruha vandalism mumbai police arrested one accused

0
26
Spread the love

मुंबई: भारतरत्न डॉ. बाबासाहेब आंबेडकर यांचं निवासस्थान असलेल्या दादर येथील ‘राजगृह‘ या निवासस्थानावर करण्यात आलेल्या हल्ल्याप्रकरणी माटुंगा पोलिसांनी गुरुवारी एकाला अटक केली. उमेश सीताराम जाधव (३५) असे अटक करण्यात आलेल्या तरुणाचे नाव असून तो दगडफेक करणाऱ्या मुख्य आरोपीला मदत करत होता. मुख्य आरोपी अद्याप मोकाट असून पोलीस त्याचा शोध घेत आहेत. ( Rajgruha Vandalism )

वाचा: ‘राजगृह’वरील तोडफोडीच्या घटनेने अजित पवार भडकले!

हिंदू कॉलनीमधील राजगृहाबाहेरच्या फुलझाडांची, कुंड्यांची मंगळवारी नासधूस करण्यात आली. यावेळी करण्यात आलेल्या दगडफेकीत राजगृहाच्या काचांचे नुकसान झाले. तसेच सीसीटीव्ही कॅमेरे फोडून दगडफेक करून हल्लेखोरांनी पळ काढला. याबाबतची माहिती मिळताच माटुंगा पोलिसांसह मुंबई पोलीस दलातील वरिष्ठ अधिकारी घटनास्थळी पोहचले. राजगृहाजवळ कडक पोलिस बंदोबस्त ठेवण्यात आला असून माटुंगा पोलिसांनी गुन्हा दाखल करून आरोपीचा शोध सुरू केला. सीसीटीव्ही फुटेजच्या आधारे पोलिसांनी एकाला ताब्यात घेतले होते मात्र त्याचा सहभाग आढळला नाही.

वाचा: ‘राजगृहा’ला छावणीचं स्वरूप

सीसीटीव्ही फुटेजची झाडाझडती सुरू असताना मुख्य आरोपी दगडफेक करत असताना दुसरा तरुण राजगृहाच्या परिसरात कुणी येत आहे का? यावर नजर ठेवत असल्याचे दिसले. या फुटेजच्या आधारे माटुंगा पोलिसांनी परेल टीटी येथे बिगारी काम करणाऱ्या उमेश जाधव याला शोधून काढले. उमेश याची कसून चौकशी करण्यात येत असून त्याने दिलेल्या माहीतीवरून मुख्य आरोपीचा शोध सुरू असल्याचे पोलिसांनी म्हटले आहे. ही दगडफेक का करण्यात आली, यामागचे कारण मात्र समजू शकले नाही.

दरम्यान, राजगृहाच्या आवारात घुसून काही गुंडांनी धुडगूस घातला हे धक्कादायक आहे. ही वास्तू फक्त आंबेडकरी जनतेची नाही तर संपूर्ण समाजाचे श्रद्धास्थान आहे. आपला ग्रंथखजिना डॉ. बाबासाहेब आंबेडकर यांनी या वास्तूत जपून ठेवला. महाराष्ट्रातील तमाम जनतेचे हे तीर्थक्षेत्रच आहे. राजगृहाचा अवमान करणाऱ्यांची सरकार गय करणार नाही, असे मुख्यमंत्री उद्धव ठाकरे यांनी ठणकावले होते. त्याचवेळी संबंधितांवर कडक कारवाईचे आदेश मुख्यमंत्र्यांनी पोलिसांना दिलेले आहेत.

वाचा: मुंबईत डॉ. बाबासाहेब आंबेडकर यांच्या ‘राजगृह’वर दगडफेक

‘राजगृह’ला आता २४ तास सुरक्षा

राजगृहवरील हल्ल्याचे तीव्र पडसाद सर्वच स्तरांवर उमटले. मुख्यमंत्री उद्धव ठाकरे यांच्यासह सर्वांनी यावर तीव्र भावना व्यक्त केल्या. त्यातूनच ‘राजगृह’ वास्तूला यापुढे २४ तास पोलिस सुरक्षा देण्याचा निर्णय राज्य मंत्रिमंडळाच्या बैठकीत बुधवारीच घेण्यात आला. ‘राजगृह’च्या सुरक्षेचा प्रश्न गृहनिर्माण मंत्री जितेंद्र आव्हाड यांनी मंत्रीमंडळ बैठकीत उपस्थित केला होता. त्यानंतर सुरक्षेबाबत एकमुखाने निर्णय घेण्यात आला. याबाबत गृहमंत्री अनिल देशमुख यांनी नंतर माध्यमांना माहिती दिली.

maharashtra times

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)