sambhajiraje bhosale: Sambhajiraje Bhosale: उद्धव ठाकरेंनी दिलेला शब्द पाळला नाही; संभाजीराजे भडकले – uddhav thackeray did not keep his word, alleges sambhajiraje bhosale

0
20
Spread the love

म. टा. प्रतिनिधी, कोल्हापूर

सारथी या संस्थेबाबत मुख्यमंत्री उद्धव ठाकरे यांनी दिलेला शब्द पाळला नाही, याशिवाय मराठा समाजाची एकही मागणी त्यांनी पूर्ण केली नाही असा आरोप खासदार संभाजीराजे छत्रपती यांनी शुक्रवारी केला. या संस्थेबाबत सुरू असलेला पोरखेळ चालू देणार नाही असा इशाराही त्यांनी दिला.

वाचा: ‘मी मुख्यमंत्री नाही, राज्य कसं चालवायचं ते उद्धव ठाकरे ठरवतील’

खासदार संभाजीराजे यांनी सांगितले की, राजर्षी शाहू महाराजांच्या नावाने स्थापन झालेल्या सारथी या संस्थेच्या विविध मागण्यासाठी ११ जानेवारीला आम्ही पुण्यात आंदोलन केले. नगरविकास मंत्री एकनाथ शिंदे यांनी आंदोलनस्थळी येऊन सर्व मागण्या पूर्ण करण्याची ग्वाही दिली. मुख्यमंत्री ठाकरे देखील माझ्याशी बोलले. त्यांनी देखील शब्द दिला. पण प्रत्यक्षात त्यांनी तो पाळला नाही. या संस्थेची स्वायत्तता काढून घेण्याचा प्रयत्न सुरू आहे. त्याला निधी दिला नाही. दिलेला निधी परत पाठवला. संस्थेतील अधिकाऱ्याने भ्रष्टाचार केला म्हणून त्याची चौकशी केली. पण नंतर त्याबाबत निकाल दिला नाही. तो चुकला असेल तर शिक्षा का केली नाही. हे करण्यामागे केवळ मराठा समाजाला बदनाम करण्याचे षडयंत्र आहे, असा आरोप संभाजीराजे यांनी केला.

वाचा: ‘शिर्डीत कोणालाही पाठवू नका; अन्यथा गडबड होईल’

सारथीसह मराठा समाजाला दिलेले एकही आश्वासन पूर्ण केले नाही असा गंभीर आरोप करत हा पोरखेळ बंद करा असा इशारा देताना ते म्हणाले, सरकारचा हा दुटप्पीपणा चालणार नाही. मी कोणत्या पक्षाची भूमिका मांडत नाही. अजून वेळ गेली नाही. मुख्यमंत्री ठाकरे यांच्यासह उपमुख्यमंत्री अजित पवार यांनी तातडीने यामध्ये हस्तक्षेप करत मागण्यांची पूर्तता करावी, याबाबत तातडीने बैठक घ्यावी, अन्यथा पुन्हा एकदा मराठा समाजाला आंदोलन करावे लागेल. समाजाने हे आंदोलन सुरू केले तर मी त्यांच्या पाठीशी असेन असा इशाराही त्यांनी दिला.

हेही वाचा:

वाचा: महाराज अडकत चाललेत! आता कोर्टाची वारी करावी लागणार

वाचा: जीएसबी मंडळ गणेशोत्सव साजरा करणार, पण…

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)