sarathi sanstha: ajit pawar : अजितदादांचा धडाकेबाज निर्णय; अवघ्या दोन तासांत सारथीला दिले ‘एवढे’ कोटी – deputy chief minister ajit pawar sanctions 8 crore for sarathi sanstha

0
61
Spread the love

मुंबई: गेल्या काही दिवसांपासून सारथी संस्थेवरून सुरू असलेल्या वादावर पडदा पाडल्यानंतर उपमुख्यमंत्री अजित पवार यांनी सारथी संस्थेसाठी ८ कोटी रुपयांचा निधी देण्याची घोषणा केली. या घोषणेला दोन तासही उलटत नाही तोच हा निधी सारथी संस्थेला उपलब्ध करून देण्यात आला. एवढेच नाही तर अजित पवार यांनी पत्र लिहून निधी पाठवल्याचं या संस्थेला कळवलंही. त्यामुळे अजित पवार यांच्या झटपट कार्यपद्धतीचं कौतुक होत आहे.

मराठा समाजाच्या सामाजिक, शैक्षणिक, आर्थिक विकासासाठी कार्यरत ‘सारथी’ संस्थेला ८ कोटी रुपयांचा निधी देत असल्याचे पत्रकार परिषदेत जाहीर केल्यानंतर अवघ्या दोन तासातच सदर निधी उपलब्ध करुन देण्यात आला असून तसे पत्र ‘सारथी’ संस्थेला पाठवण्यात आले. उपमुख्यमंत्री अजित पवार यांनी आज सकाळी ११ वाजता मंत्रालयातील त्यांच्या दालनात खासदार छत्रपती संभाजीराजे व मराठा समाज प्रतिनिधींची बैठक घेतली. दुपारी दिड वाजता पत्रकार परिषदेत ८ कोटी देत असल्याचे जाहिर केले. त्यानंतर अवघ्या दोन तासात म्हणजे साडेतीन वाजण्याच्या सुमारास इतर मागास बहुजन कल्याण विभागाच्या वतीने सुमारे ७ कोटी ९४ लाख ८९ हजार २३८ रुपये इतका निधी ‘सारथी’ संस्थेला तातडीने उपलब्ध करुन देण्यात आला आहे.

Ajit Pawar: ‘सारथी’चं सारथ्य आता अजित पवारांकडे; वडेट्टीवारांनी सांगितलं कारण

मराठा समाजातील तरुणांच्या प्रशिक्षणासाठी व कौशल्य विकासासाठी स्थापण्यात आलेली ‘सारथी’ संस्था बंद पाडण्याचा घाट महाविकास आघाडी सरकारनं घातला आहे, असा आरोप गेल्या काही दिवसांपासून सुरू होता. ‘सारथी’ला सरकारकडून येणे असलेले शिष्यवृत्तीचे पैसे रखडले होते. त्यावरून मराठा संघटनांनी व भाजपचे खासदार संभाजीराजे भोसले यांनी आक्रमक भूमिका घेतली होती. त्यामुळं अजित पवार यांनी आज या संदर्भात मंत्रालयात सविस्तर बैठक घेतली. त्यात ‘सारथी’च्या प्रश्नावर चर्चा करण्यात आली. ही संस्था बंद पडू दिली जाणार नाही, अशी ग्वाही अजित पवार यांनी दिली होती.

sarathi : मराठा विरुद्ध ओबीसी असा वाद लावू नका; संभाजी राजेंनी सुनावले

दरम्यान, ‘सारथी’चं काम अजित पवार यांच्याकडं देण्याचा निर्णयही आज घेण्यात आला. खुद्द विजय वडेट्टीवार यांनीच ही माहिती दिली. ‘सारथीचं काम यापुढं अधिक वेगवान व्हावं म्हणून मी स्वत: अजितदादांना तशी विनंती केली होती. माझ्याकडचा विभाग काढून घेतला असा गैरसमज कोणीही करून घेऊ नये, असं वडेट्टीवार यांनी म्हटलं आहे. राष्ट्रवादीचे नवाब मलिक यांच्याकडे असलेल्या अण्णासाहेब आर्थिक विकास महामंडळाचा कारभारही अजित पवार यांच्याकडं देण्यात आला आहे. त्यामुळं ह्या दोन्ही विभागाची कामं आता सुस्साट वेगानं पुढं जातील, असा विश्वास वडेट्टीवार यांनी व्यक्त केला.

maharashtra times

Sanjay Nirupam: CM ठाकरेंच्या ‘मातोश्री-२’वर निरुपम यांचा आक्षेप; केली ‘ही’ मागणी

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)