Sharad Pawar Interview : ‘शरद पवारांच्या मुलाखतीनं कुठलीही खळबळ वगैरे माजणार नाही’ – Former Mp Nilesh Rane Attacks Sanjay Raut Over Sharad Pawar’s Interview

0
21
Spread the love

मुंबई: राष्ट्रवादी काँग्रेसचे अध्यक्ष शरद पवार यांच्या मुलाखतीत कुणालाही इंटरेस्ट नाही. लोक चिडले आहेत. पवारांच्या मुलाखतीमुळं खळबळ वगैरे काहीही माजणार नाही ही फक्त संजय राऊत यांची वळवळ आहे,’ अशी घणाघाती टीका माजी खासदार नीलेश राणे यांनी केली आहे. (Nilesh Rane attacks Sanjay Raut and Sharad Pawar)

वाचा: राणेंचा खांदा का वापरता?; खुलेआम बोला; काँग्रेसने भाजपला फटकारले

शिवसेना नेते संजय राऊत यांनी शरद पवार यांची मॅरेथॉन मुलाखत घेतली आहे. ही मुलाखत लवकरच शिवसेनेचं मुखपत्र दैनिक सामनामध्ये प्रसिद्ध होणार आहे. खुद्द संजय राऊत यांनीच काल एक ट्विट करून ही माहिती दिली होती. ‘पवार साहेब महाराष्ट्रातील घडामोडींपासून चीनपर्यंतच्या मुद्द्यावर जोरदार बोलले आहेत. ही मुलाखत देशाच्या राजकारणात खळबळ माजवेल,’ असा दावाही राऊत यांनी ट्विटमधून केला होता.

वाचा: फेरीवाल्यांमुळे करोना पसरेल; परवानगी देणार नाही: राज्य सरकार

शिवसेनेवर टीकेची एकही संधी न सोडणाऱ्या राणे कुटुंबातील एक सदस्य नीलेश राणे यांनी याच ट्विटवरून राऊतांवर तोफ डागली आहे. ‘पवारांच्या मुलाखतीनं खळबळ वगैरे काही माजणार नाही. ही फक्त राऊत यांची वळवळ आहे. देश कुठल्या संकटात आहे आणि ह्यांच्या मुलाखती चालू आहेत. इतिहासामध्ये जाऊन त्यातल्या काही गोष्टी आत्ता कळल्या तरी त्याचा कोणाला काय उपयोग,’ असा सवाल नीलेश राणे यांनी केला आहे. ‘लोकं चिडली आहेत, यांच्या इंटरव्यूमध्ये कोणालाही इंटरेस्ट नाही. खरं कौशल्य लढण्यात असतं, बोलण्यात नसतं,’ असा टोलाही नीलेश राणे यांनी राऊत व पवारांना हाणला आहे.

maharashtra times

ट्विट

राजकीय वर्तुळात उत्सुकता

शिवसेनाप्रमुख दिवंगत बाळासाहेब ठाकरे यांच्या अनेक मुलाखती आजवर सामनातून प्रसिद्ध झाल्या आहेत. या सर्वच मुलाखती खळबळ माजवणाऱ्या ठरल्या होत्या. त्यानंतर उद्धव ठाकरे हेही सामनातून भूमिका मांडत असतात. शरद पवार हे मात्र प्रथमच ‘सामना’च्या माध्यमातून काही गौप्यस्फोट करणार आहेत. देशाच्या राजकारणातील एक दिग्गज नेते असलेल्या शरद पवार यांनी महाराष्ट्राच्या राजकारणात अनेक भूकंप घडवले आहेत. २०१९ च्या निवडणुकीनंतरही पवार यांनीच पुढाकार घेऊन राज्याच्या राजकारणाला कलाटणी दिली. त्यानंतर महाराष्ट्रात महाविकास आघाडीचे सरकार आले. तीन पक्षांच्या या सरकारमध्ये अनेक मतभेद पाहायला मिळत आहेत. किंबहुना तसे आरोप होत आहेत. विरोधी पक्षनेते देवेंद्र फडणवीस यांनी अलीकडंच राष्ट्रवादीनं भाजपला सरकार स्थापनेची ऑफर दिल्याचा गौप्यस्फोट केला होता. या सर्वाबद्द्ल शरद पवारांना काय वाटते? मुख्यमंत्री उद्धव ठाकरे यांच्या कामाबद्दल पवारांचं काय मत आहे? या सगळ्या गोष्टींचा उलगडा या मुलाखतीतून होण्याची शक्यता आहे. त्यामुळंच या मुलाखतीबदद्ल राजकीय वर्तुळात उत्सुकता आहे.

वाचा: ‘महाजॉब्स पोर्टल’वरून भाजपने शिवसेना-राष्ट्रवादीला घेरले

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)