Sharad Pawar: Sharad Pawar: ‘मातोश्री’वर जाण्यात मला अजिबात कमीपणा वाटत नाही: शरद पवार – sharad pawar praises cm uddhav thackerays work

0
29
Spread the love

पुणे: महाविकास आघाडी सरकारमध्ये अस्वस्थता, नाराजी वगैरे काहीही नाही. मुख्यमंत्री उद्धव ठाकरे चांगलं काम करताहेत. तिन्ही पक्षांमध्ये उत्तम समन्वय आहे’, असे नमूद करत राष्ट्रवादी काँग्रेसचे अध्यक्ष शरद पवार यांनी आज महाविकास आघाडीत सर्वकाही आलबेल असल्याचे निक्षून सांगितले. पारनेरच्या नगरसेवकांचे पक्षांतर हा काही राष्ट्रीय प्रश्न नाही हे मला माहीत आहे आणि ठाकरेंनाही माहीत आहे, असेही एका प्रश्नाच्या उत्तरात पवार म्हणाले. ( Sharad Pawar Praises CM Uddhav Thackeray )

वाचा: अंतर्विरोध, अंतरपाट नाही; आम्ही वरमाला घातल्यात: संजय राऊत

शरद पवार यांची आज पुण्यात व्यापारी महासंघाच्या प्रतिनिधींसोबत बैठक झाली. या बैठकीनंतर घेतलेल्या पत्रकार परिषदेत पवार यांनी पत्रकारांच्या विविध प्रश्नांना मनमोकळेपणाने उत्तरे दिली. शरद पवार मुख्यमंत्र्यांच्या भेटीसाठी वारंवार मातोश्री निवासस्थानी जात आहेत. त्यावरून भाजप प्रदेशाध्यक्ष चंद्रकांत पाटील यांनी निशाणा साधला आहे. शरद पवार यांनी मुख्यमंत्र्यांच्या भेटीसाठी मातोश्रीवर जाणं बरोबर नाही. या वयात खरंतर मुख्यमंत्र्यांनी पवारांना भेटायला जायला हवं, असे पाटील म्हणाले आहेत. त्याबाबत विचारले असता चंद्रकांत पाटलांना काही वाटत असेल तर त्यावर मला काही बोलायचे नाही. तुम्ही वस्तुस्थिती लक्षात घ्या. ज्या मुलाखतीची चर्चा आहे ती मुलाखत देण्यासाठी मी त्याच भागात गेले होतो. तिथून फर्लांगभर अंतरावर मातोश्री निवासस्थान होतं. त्यामुळे मुख्यमंत्र्यांनी १४ किलोमीटर लांब माझ्या घरी येण्यापेक्षा मीच त्याच्याकडे गेलो. त्यात मला कमीपणा वगैरे काही वाटत नाही, असे पवार म्हणाले.

वाचा: राणेंचा खांदा का वापरता?; खुलेआम बोला; काँग्रेसने भाजपला फटकारले

महाविकास आघाडीत अस्वस्थता आहे, नाराजी आहे, हे सगळं तुमचं म्हणणं आहे. तुम्ही माझ्या ज्ञानात भर घातली त्यासाठी धन्यवाद, असा माध्यमांना चिमटा काढत महाविकास आघाडीत एकवाक्यता असल्याचे पवार यांनी ठामपणे सांगितले. राज्यात विविध प्रश्न आहेत. त्याबाबत मी सातत्याने मुख्यमंत्र्यांशी बोलत असतो. कालची बैठकही तशीच होती, असे पवार यांनी नमूद केले. पोलिसांच्या बदल्यांवरून वाद असल्याचे जे म्हटले जात आहे त्यात जराही तथ्य नाही, असेही पवार यांनी स्पष्ट केले. आयएएस, आयपीएस अधिकाऱ्यांच्या बदल्या या मुख्यमंत्र्यांच्या सहमतीनेच केल्या जातात, असेही पवार यांनी सांगितले.

वाचा: ‘शरद पवारांच्या मुलाखतीनं कुठलीही खळबळ वगैरे माजणार नाही’

मुख्यमंत्री मातोश्रीबाहेर पडत नाहीत, असा आरोप विरोधक करत आहेत. त्यावर पवार यांनी प्रत्युत्तर दिलं. करोनाच्या संकटात नेतृत्व करणाऱ्या प्रमुख लोकांनी बाहेर पडणं योग्य नाही. ते बाहेर पडल्यास गर्दी होते आणि तेच नेमके टाळण्याची गरज आहे. या आजाराचा तोच मुख्य नियम आहे, असे पवारांनी नमूद केले. काम करण्यासाठी बाहेर पडलंच पाहिजे असे नाही. सध्या कम्युनिकेशनची अनेक साधने आहेत. त्याचा वापर केला जात आहे. त्यामुळेच उगाच टीका करणे योग्य नाही, असे पवार म्हणाले. मुख्यमंत्र्यांच्या कामावर आपण समाधानी आहात का, असे विचारले असता जे दिसतंय ते निश्चितच समाधानकारक आहे. मुख्यमंत्र्यांनी सत्ता हातात घेतल्यानंतर गतीने पावले टाकण्यासाठी अनेक योजना आखल्या होत्या मात्र करोनामुळे सगळ्याच प्रायोरिटी बदलल्या आहेत. सर्व कामे थांबवावी लागली आहेत. करोनावर नियंत्रण मिळवण्यासाठी युद्धपातळीवर काम सुरू आहे. दररोज प्रमुख मंडळी १४-१५ तास काम करीत आहे. मी हे सारं जवळून पाहतोय, असेही पवार म्हणाले.

वाचा: नगरसेवकांची फोडाफोडी! मनसेनं चोळलं शिवसेनेच्या जखमेवर मीठ

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)