Shekhar Gaikwad: Shekhar Gaikwad: पुण्यात धक्कातंत्र; शेखर गायकवाड यांची बदली, विक्रम कुमार नवे आयुक्त – amid spike in covid-19 cases pune civic chief transferred

0
26
Spread the love

पुणे: पुण्यात करोना साथीचं संकट गडद झाल्याने पुन्हा एकदा लॉकडाऊनची आफत ओढवली आहे. १३ जुलैपासून पुण्यात कडक लॉकडाऊन असणार आहे. ही मोठी घडामोड होत असतानाच पुणे महापालिका आयुक्त शेखर गायकवाड यांची पुन्हा एकदा साखर आयुक्तपदी बदली करण्यात आली आहे. त्याचवेळी पीएमआरडीएचे आयुक्त विक्रम कुमार यांची पुणे पालिका आयुक्तपदी नियुक्ती करण्यात आली आहे. ( Pune Municipal Commissioner Shekhar Gaikwad transferred )

वाचा: बापट भडकले; ‘त्या’ ३ टक्के लोकांसाठी ९७ टक्के पुणेकरांना वेठीस का धरता?

पुण्यात करोना रुग्णांची संख्या वेगाने वाढत आहे. पुणे जिल्ह्यात सर्वाधिक रुग्ण पुणे पालिका हद्दीत आहेत. जिल्ह्यातील करोना बाधित रुग्णांची एकूण संख्या ३६ हजाराच्या जवळ पोहचली असून त्यात पुणे शहरातच जवळपास २६ हजार रुग्णसंख्या झाली आहे. ही स्थिती लक्षात घेऊन उपमुख्यमंत्री व पुण्याचे पालकमंत्री अजित पवार यांनी पुणे तसेच लगतच्या पिंपरी चिंचवडमध्ये पुन्हा लॉकडाऊनचा निर्णय घेतला आहे. यावरून पुण्यात राजकारण तापले असतानाच पुणे पालिका आयुक्तांच्या बदलीने त्यात अधिकच भर पडली आहे. भाजपचे खासदार गिरीश बापट यांनी या बदलीवर आक्षेप घेतला आहे.

वाचा: ‘पुणेकरांनो, धान्य-भाजीपाला तीन दिवसांत घेऊन ठेवा’

आयुक्त शेखर गायकवाड यांची बदली करण्याचा निर्णय चुकीचा असून त्यांना सरकारने बळीचा बकरा बनवले आहे, असा आरोप गिरीश बापट यांनी केला. गेल्या काही महिन्यांत कोरोना संक्रमण रोखण्याचे काम करणाऱ्या अधिकाऱ्यांना असे अचानक बदलणे योग्य नाही. सरकार आम्हाला राजकारण करू नका, असे एकीकडे सांगतं आणि दुसरीकडे असे निर्णय राजकीय अभिनिवेशातून घेतं, यात मला शंका यायला लागली आहे. पुणे महापालिकेत भाजपाची सत्ता असल्याने असे धरसोडीचे राजकारण राज्य सरकार करू लागले आहे. आधी अचानक लॉकडाऊन आणि आता प्रमुख अधिकाऱ्यांची बदली ही चुकीच्या गोष्टी करण्याची मालिका आहे. मी याचा तीव्र निषेध करतो, असे गिरीश बापट यांनी सांगितले.

वाचा: मुंबईत करोनाला पहिली वेसण खैरनार यांच्या वॉर्डात; ‘हे’ आकडे पाहा

पुण्यात १४१७ नवे रुग्ण

एकीकडे पालिका आयुक्तांची बदली झाली असताना पुणे शहरात शनिवारी आतापर्यंत सर्वाधिक म्हणजेच ८०८ रुग्ण बरे होऊन घरी परतल्याने दिलासा मिळाला आहे. शहर जिल्ह्यात दिवसभरात १४१७ रुग्ण आढळले असून २९ जणांचा मृत्यू झाला आहे. मृतांमध्ये आठ दिवसांच्या कमी वयाच्या बाळाचा समावेश आहे. शहरात दिवसभरात ४३९८ एवढ्या चाचण्या करण्यात आल्या. त्यामुळे चाचण्यांची संख्या १ लाख ६० हजारपर्यंत पोहोचली. दिवसभरात केलेल्या ४६१ रुग्ण हे गंभीर आहेत. त्यापैकी ६४रुग्ण हे व्हेंटिलेटरवर असून उर्वरीत ३९७ जणांना ऑक्सिजनवर ठेवले आहे. त्यामुळे ऑक्सिजनच्या बेडवरील रुग्णांची संख्या वाढली आहे. त्यामुळे पुण्याची चिंता कमी झालेली नाही.

वाचा: सरकारचा धाडसी निर्णय! पुणे, पिंपरी-चिंचवडमध्ये पुन्हा लॉकडाऊन

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)