Shocking Eight members of the Pune mayor’s family also infected from corona virus aau 85 svk 88 |धक्कादायक! पुण्याच्या महापौरांच्या कुटुंबातील आठ जणांनाही करोनाची बाधा

0
26
Spread the love

पुण्याचे महापौर मुरलीधर मोहोळ यांना काल करोनाची बाधा झाल्याचे निष्पण्ण झाले होते. त्यानंतर आज त्यांच्या कुटुंबातील सदस्यांनाही करोनाची लागण झाल्याचे समोर आले आहे. एक-दोन नव्हे आठ सदस्यांना करोनाची बाधा झाल्याने खळबळ उडाली आहे. काल रात्री महापौर मुरलीधर मोहोळ यांनी आपल्या ट्विटर हँडलवरुन आपला करोनाचा चाचणी अहवाल पॉझिटिव्ह आल्याचे जाहीर केले होते.

महापौरांनी काल ट्विटद्वारे म्हटले होते की, “थोडासा ताप आल्याने मी करोनाची चाचणी करुन घेतली. ही चाचणी पॉझिटीव्ह आली आहे. मात्र, माझी प्रकृती स्थिर असून लवकरच बरा होऊन पुन्हा तुमच्या सेवेत असेल. उपचारादरम्यान सर्व यंत्रणांच्या संपर्कात राहून परिस्थितीचा आढावा घेत राहील.”

दरम्यान, पुण्यातील भाजपाचे माजी आमदार योगेश टिळेकर यांनाही करोनाची बाधा झाल्याचे रविवारी सकाळी स्पष्ट झाले होते. त्यांनीही ट्विटद्वारे आपला चाचणी अहवाल पॉझिटिव्ह आल्याचे जाहीर केले होते. “दोन दिवसापूर्वी ताप व कणकण आल्याने माझी व मुलाची करोनाची तपासणी करून घेतली असताना हा अहवाल पॉझिटिव्ह आला. माझी प्रकृती स्थिर आहे. तुमच्या आशिर्वादामुळे लवकरच बरा होऊन येईन. आपण सर्वांनी काळजी घ्यावी व सुरक्षित राहावे,” असे ट्विट त्यांनी केले आहे.

पिंपरी-चिंचवडमधील राष्ट्रवादी काँग्रेसचे विद्यमान नगरसेवक आणि महापालिकेचे माजी विरोधी पक्ष नेते दत्ता साने यांचा देखील काल करोनामुळे मृत्यू झाला. गेल्या काही दिवसांपासून त्यांच्यावर पिंपरी-चिंचवडमधील खासगी रुग्णालयात उपचार सुरू होते. पहिल्यांदा करोना विषाणूची सौम्य लक्षण होती. मात्र, त्यांनानंतर त्यांना श्वास घेण्यास त्रास होत होता असे त्यांच्या निकटवर्तीयांनी सांगितले.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 5, 2020 4:11 pm

Web Title: shocking eight members of the pune mayors family also infected from corona virus aau 85 svk 88


Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)