Thane Lockdown Extended: ठाण्यात १९ जुलैपर्यंत लॉकडाऊन वाढवला; ‘ही’ आहेत कारणे – Lockdown Extended Till July 19 In Thane

0
30
Spread the love

ठाणे: करोना संसर्गाच्या विळख्यात अडकलेल्या ठाणे शहरात लॉकडाऊन वाढवण्याचा निर्णय घेण्यात आला आहे. ठाण्यात आधीच १२ जुलैपर्यंत लॉकडाऊन जाहीर करण्यात आलेला असून हा लॉकडाऊन आता १९ जुलैपर्यंत वाढवण्यात आला आहे. ठाणे महापालिका आयुक्त डॉ. विपीन शर्मा यांनी याबाबत आदेश जारी केला आहे. ( Thane Lockdown extends )

वाचा: गणपतीला गावी जाण्यासाठी नियमांचे विघ्न; ‘हे’ आहेत कळीचे सवाल

करोनाचा वाढता प्रादुर्भाव लक्षात घेऊन ठाणे शहरात आधीच कडक लॉकडाऊन लागू करण्यात आला आहे. २ जुलै रोजी सकाळी ७ वाजल्यापासून सुरू झालेल्या या लॉकडाऊनची मुदत १२ जुलै रोजी सकाळी ७ वाजेपर्यंत निश्चित करण्यात आली होती. मात्र ठाणे शहरातील करोनाची स्थिती गेल्या काही दिवसांत अधिकच गंभीर बनली आहे. लॉकडाऊन सुरू असतानाही रुग्णसंख्या वेगाने वाढत आहे. चिंतेची बाब म्हणजे सध्या मुंबईपेक्षा ठाण्यात अॅक्टिव्ह रुग्णांची संख्या जास्त आहे. ही बाब ध्यानात घेऊनच ठाणे पालिकेने कठोर निर्णय घेतला आहे. लॉकडाऊनमध्ये आता १९ जुलैपर्यंत वाढ करण्यात आली आहे. आता १९ जुलै रोजी सायंकाळी ५ वाजेपर्यंत ठाणे महापालिका हद्दीत लॉकडाऊन असेल, असे पालिका आयुक्तांनी आपल्या आदेशात स्पष्ट केले आहे.

वाचा: गणपतीला गावी जायचंय; ७ ऑगस्टनंतर सिंधुदुर्गात प्रवेश नाही?

ठाण्यात लॉकडाऊन काळात अत्यावश्यक सेवा, औषध दुकाने व जीवनावश्यक वस्तू वगळता इतर व्यवहारांवर निर्बंध घालण्यात आले आहेत. भाजी आणि मासळी बाजारही बंद करण्यात ठेवण्यात आला आहे. प्रवासाची मुभा फक्त अत्यावश्यक सेवेतील कर्मचाऱ्यांनाच देण्यात आली आहे. लॉकडाऊनचे हे आधीचे नियम काय ठेवण्यात आले असून त्यात केवळ एक बदल करताना घरकाम करणाऱ्या व्यक्तींना कामावर जाण्याची मुभा देण्यात आली आहे. अटी व नियमांचे पालन न केल्यास कठोर कारवाई करण्याचा इशाराही देण्यात आला आहे.

ठाण्यात सर्वाधिक अॅक्टिव्ह रुग्ण

ठाणे जिल्ह्यातील करोना संसर्गाचे आकडे चिंता वाढवणारे आहेत. गेले काही दिवस मुंबईपेक्षा ठाण्यात अॅक्टिव्ह रुग्णांची संख्या जास्त झाली आहे. ठाण्यात सद्यस्थितीत ३० हजार ५०६ अॅक्टिव्ह रुग्ण आहेत तर मुंबईत अॅक्टिव्ह रुग्णांची संख्या २३ हजार ७८५ इतकी आहे. मुंबईत आतापर्यंत एकूण ८९ हजार १२४ जणांना करोनाची लागण झाली असून त्यातील ६० हजार १९५ रुग्ण बरे होऊन घरी परतले आहेत तर ५१३२ रुग्णांचा मृत्यू झाला आहे. ठाणे जिल्ह्यात एकूण रुग्णसंख्या ५४८११ इतकी झाली असून त्यातील २२८२१ रुग्ण बरे झाले आहेत तर १४८३ रग्णांचा मृत्यू झाला आहे. त्यात ठाणे पालिका हद्दीतच गुरुवारी ३९९ नवे रुग्ण आढळले तर २० जणांचा मृत्यू झाला. ठाणे शहरात आतापर्यंत करोना बाधितांची एकूण संख्या १३ हजार ३८१ इतकी झाली असून ५१६ रुग्ण दगावले आहेत.

वाचा: गणेशोत्सावात चाकरमान्यांना ‘कोकणबंदी’ केल्यास तीव्र आंदोलन; राणेंचा इशारा

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)