uber shut office in mumbai: ‘उबर’चे मुंबईतून पॅकअप; सेवेबाबत कंपनीने घेतला ‘हा’ निर्णय – uber shut mumbai office but service remain continue

0
27
Spread the love

मुंबई : ऍप बेस टॅक्सी सेवा पुरवणारी जागतिक पातळीवरील आघाडीची कंपनी असलेल्या ‘उबर’ने मुंबईतून गाशा गुंडाळला आहे. कंपनीने मुंबईचे कार्यालय तडकाफडकी बंद केले आहे. करोना आणि लॉकडाउनचा व्यवसायाला फटका बसल्याने खर्च कपातीच्या दृष्टीने कंपनीने हा निर्णय घेतल्याचे बोलले जात आहे. मात्र मुंबईतील ऑफिस बंद केले असले तरी उबरची टॅक्सी सेवा सुरु ठेवण्याचा निर्णय कंपनीने घेतला आहे.

मुंबईसह प्रमुख शहरांमध्ये उबरची सेवा सुरु आहे. त्याशिवाय गुडगाव, बंगळुरू आणि हैद्राबाद या शहरांमध्ये कंपनीची कार्यालये आणि टेक सेंटर आहेत. करोनाच्या संकटाचा टॅक्सी सेवेवर मोठा परिणाम झाला आहे. जागतिक पातळीवर व्यवसायिक फेरबदलाचा कार्यक्रम कंपनीने हाती घेतला आहे. त्याचाच एक भाग म्हणून कंपनीने मुंबईतील कार्यालय बंद केले असल्याचे सूत्रांनी म्हटलं आहे.

ई-किसानधन अॅप; शेतकऱ्यांना बाजारभाव कळणार अॅपवर
मे महिन्यात कंपनीने व्यावसायिक फेरबदल करण्याचे संकेत दिले होते. ‘उबर’चे सीईओ दारा खोसरोव्हशा यांनी कर्मचाऱ्यांना लिहिलेल्या पत्रात जगभरातील ४५ ऑफिस बंद करण्याचे जाहीर केले होते. त्यानुसार मुंबईत कार्यालय बंद करण्यात आले आहे. तंत्रज्ञान आधारित सेवा असल्याने ‘उबर’कडे तंत्रज्ञांची फौज आहे. २०१८ मध्ये कंपनीतील तंत्रज्ञांची संख्या १५० टक्क्यांनी वाढली होती. बंगळुरू आणि हैद्राबादमध्ये ५०० हुन अधिक तंत्रज्ञ आहेत.

सराफा बाजार ; सोने महागले तर चांदी झाली स्वस्त
‘उबर’चे कर्मचारी सध्या घरून काम करत आहेत. मात्र फेरबदलांमध्ये शेकडो जणांची नोकरी जाण्याची शक्यता वर्तवण्यात येत आहे. भारतात उबर जवळपास ६०० जणांना कामावरून कमी केल्याचा अंदाज आहे. यात वाहन चालक आणि कस्टमर केअरमधील काही कर्मचाऱ्यांचा समावेश आहे. सध्या जगभरात उबरचे ६७०० कमर्चारी आहेत. नवीन भरती बंद आहे. आहे त्या कर्मचाऱ्यांवर करोनामुळे टांगती तलवार आहे.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)