United States to withdraw student visas for foreigners whose classes move online sgy 87 | ऑनलाइन क्लास सुरु झालेल्या विद्यार्थ्यांचे व्हिसा रद्द करण्याची अमेरिकेची घोषणा, हजारो भारतीयांना फटका

0
25
Spread the love

विद्यार्थी व्हिसावर अमिरेकेत गेलेल्या विद्यार्थ्यांना करोना महामारीमुळे खूप मोठा धक्का बसला आहे. करोना संसर्गामुळे ज्या विद्यार्थ्यांचं शिक्षण फक्त ऑनलाइन होत आहे अशा सर्व परदेशी विद्यार्थ्यांचा व्हिसा रद्द करण्याची घोषणा अमेरिकेकडून करण्यात आली आहे. इमिग्रेशन आणि सीमा शुल्क अंमलबजावणीकडून यासंबंधी घोषणा करण्यात आली आहे. सीएनएनने यासंबंधी वृत्त दिलं आहे.

अमेरिकेत शिक्षण घेत असलेल्या आंतरराष्ट्रीय विद्यार्थ्यांच्या विद्यापीठाने ऑनलाइन शिक्षणास सुरुवात केली असेल तर त्या विद्यार्थ्यांना देश सोडावा लागणार आहे अन्यथा त्यांना हद्दपार केलं जाईल असं आदेशात सागंण्यात आलं आहे. अमेरिकेत अशा विद्यार्थ्यांना विद्यार्थी व्हिसावर प्रवेश दिला जाणार नाही.

अमेरिकेच्या या निर्णयामुळे उज्ज्वल भविष्याची स्वप्नं पाहणाऱ्या हजारो-लाखो विद्यार्थ्यांना फटका बसणार आहे. होमलँड सेक्युरिटी विभागाच्या आकडेवारीनुसार, सध्याच्या घडीला ११ लाखांहून अधिक विद्यार्थ्यांकडे विद्यार्थी व्हिसा आहे. अमेरिकेतील परदेशी विद्यार्थ्यांमध्ये चीननंतर अनुक्रमे भारत, दक्षिण कोरिया, सौदी अरेबिया आणि कॅनडा येथील विद्यार्थ्यांची संख्या जास्त आहे.

ज्या विद्यार्थ्यांचे ऑनलाइन क्लासेस सुरु झाले आहेत त्यांच्याकडे अमेरिकेत वास्तव्य करण्यासाठी कोणतंच कारण नसल्याचं अमेरिकेचं म्हणणं आहे. प्रशासनाने सर्व विद्यापीठ आणि कॉलेजना सर्व कोर्सेस लवकरात लवकर ऑनलाइन सुरु कऱण्याचे आदेश दिले आहेत. अमेरिकेने सर्व विद्यार्थ्यांना आपल्या देशात पाठवण्यासाठी योजना आखली आहे. अनेक भारतीय विद्यार्थ्यांना याचा मोठा फटका बसणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 7, 2020 8:09 am

Web Title: united states to withdraw student visas for foreigners whose classes move online sgy 87


Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)