vikas dubey encounter: विकास दुबेचे शव घेण्यास आईचा नकार, वडिलही अंत्यसंस्काराला जाणार नाहीत – vikas dubey encounter vikas mother refuses to take dead body of son even his father will not attend funeral

0
33
Spread the love

कानपूर: पोलिस चकमकीत ठार करण्यात आलेला गँगस्टर विकास दुबे याचे आज शुक्रवारी कानपूर शहरात शवविच्छेदन करण्यात आले. मात्र संध्याकाळी ६ वाजेपर्यंत त्यांचे कोणीही नातेवाईक त्याचा मृतदेह घेण्यासाठी आला नाही. विकासच्या आईने देखील आपल्या गुन्हेगार मुलाचे शव घेण्यास नकार दिला. विकासच्या आईने तर कानपूरला येण्यासही नकार दिला. अजूनही त्या लखनऊमध्येच आहेत. त्या मुलाच्या एन्काउंटरनंतर प्रसारमाध्यमांपुढेही आल्या नाहीत. संध्याकाळी सुमारे ७ वाजता त्याचे मेव्हणे दिनेश तिवारी यांना विकास दुबेचा मृतदेह सोपवण्यात आला.

कानपूरमध्ये ८ पोलिस कर्मचाऱ्यांच्या हत्याकांड प्रकरणातील मुख्य आरोपी असलेला विकास दुबे याला मध्य प्रदेशातील उज्जैन येथून अटक करून कानपूरला आणण्यात येत होते. उत्तर प्रदेश पोलिसांच्या स्पेशल टास्क फोर्स (एसटीएफ) दलाने शहरापासून सुमारे १८ किमीच्या अंतरावर बारा पोलिस सर्कलमध्ये भौतीच्या जवळ ठार केले. रस्ते अपघाताचा फायदा उचलत विकास पळून जाण्याच्या प्रयत्नात होता. त्यावेळी त्याने एका पोलिस कर्मचाऱ्याती पिस्तूल हिसकावण्याचा प्रयत्न केला. आज शुक्रवारी कानपूरच्या शवविच्छेदन केंद्रात विकास दुबेचे शवविच्छेदन २ तास चालले. सूत्रांनी दिलेल्या माहितीनुसार, विकासला ३ गोळ्या लागल्या होत्या. यांपैकी एक त्याच्या कमरेवर आणि दोन छातीत लागल्या होत्या.

वाचा: विकास दुबेचा एन्काउंटर खरा की खोटा?; काँग्रेसचे १३ प्रश्न

६ वाजेपर्यंत कुणीही मृतदेह घेण्यासाठी आले नाही

विकास दुबेचे शवविच्छेदन दोन तास चालले. मात्र, त्याचे कोणीही नातेवाईक त्याचा मृतदेह ताब्यात घेण्यासाठी पुढे आला नाही असे शवविच्छेदन केंद्रावर उपस्थित असलेल्या पोलिस दलातील सूत्राने सांगितले. मात्र, संध्याकाळी ७ वाजण्याच्या सुमाराला त्याचा मेव्हणा विकास दुबेचा मृतदेह ताब्यात घेण्यासाठी आला. त्यानंतर त्याच्या मेव्हण्याच्या ताब्यात मृतदेह सोपवण्यात आला.

वाचा: ‘विकास दुबे संपला, परंतु त्याला कोणाकोणाचा पाठिंबा होता हे समोर आलेच पाहिजे’

विकास दुबेच्या आईनेही केला इन्कार, वडीलांचाही अंत्यसंस्काराला जाण्यास नकार

विकास दुबेच्या आईने देखील विकास दुबेचे शव घेण्यास नकार दिला. त्याच्या आईने कानपूरला येण्यासही नकार दिला. त्या आताही लखनऊला आहेत. मुलाच्या एन्काउंटरनंतर त्या प्रसारमाध्यमांसमोरही आल्या नाहीत. तसेच विकास दुबेच्या वडिलांनी देखील मुलाच्या अंत्यसंस्काराला न जाण्याचा निर्णय घेतला. मी मुलाच्या अंत्यसंस्काराला जाणार नाही, असे एएनआयला दिलेल्या मुलाखतीत त्यांनी स्पष्ट केले आहे.

वाचा:विकास दुबे अटक प्रकरणी प्रियांका गांधींनी केला ‘हा’ आरोप

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)