West Indies: ब्रेकिंग न्यूज… करोनानंतरच्या पहिल्या सामन्यात वेस्ट इंडिजचा दमदार विजय – west indies won 1st match after the corona virus, took victory over england in test match

0
23
Spread the love

करोनानंतर चार महिन्यांनंतर प्रथमच खेळवण्यात आलेल्या सामन्यात अखेर बाजी मारली ती वेस्ट इंडिजने. इंग्लंडने सामन्याच्या पाचव्या दिवशी वेस्ट इंडिजपुढे विजयासाठी २०० धावांचे आव्हान ठेवले होते. या आव्हानाचा यशस्वीपणे पाछलाग करत वेस्ट इंडिज इंग्लंडवर थरारक विजय मिळवला. जेरमिन ब्लॅकवूड हा वेस्ट इंडिजच्या विजयाचा शिल्पकार ठरला, त्याचे शतक यावेळी फक्त डपाच धावांनी हुकले. वेस्ट इंडिजने चार विकेट्स राखत या सामन्यात इंग्लंडवर विजय मिळवला.


वाचा-वेस्ट इंडिजचा सलामीवीर झाला जखमी, थेट मैदानाबाहेर हलवले

या सामन्याचा पाचवा दिवस चांगलाच रंगतदार ठरला. कारण आज इंग्लंडच्या संघाने ३१३ धावा आपल्या दुसऱ्या डावात केल्या आणि वेस्ट इंडिजपुढे २०० धावांचे आव्हान ठेवले. या आव्हानाचा पाठलाग करण्यासाठी वेस्ट इंडिजचाा संघ मैदानात उतरला. त्यावेळी इंग्लंडचा वेगवान गोलंदाज जोफ्रा आर्चर हा भेदक गोलंदाजी करत होता. त्याच्या एका खतरनाक चेंडूवर वेस्ट इंडिजचा सलामीवीर जॉन कॅम्बेल हा दुखापतग्रस्त झाला. कॅम्बेलची दुखापत ही एवढी गंभीर होती की, त्याला थेट मैदानाबाहेरच नेण्यात आले होते.

वाचा-भारताच्या दिग्गज क्रिकेटपटूंना झाला करोना, कुटुंबियांचीही चाचणी करणार

या डावाच्या सुरुवातीला आर्चर हा आग ओकत होता. कारण वेस्ट इंडिजला तीन धक्के यावेळी आर्चरने दिले. पण वेस्ट इंडिजच्या जेरमिन ब्लॅकवूड हा या विजयाचा नायक ठरला. कारण आर्चर भेदक गोलंदाजी करत असताना ब्लॅकवूड हा खेळपट्टीवर ठाण मांडून राहीला आणि संघाकडून सर्वाधिक धावा करत संघाला पहिला विजय मिळवून दिला. यावेळी ब्लॅकवूडचा चांगली साथ दिली ती रोस्टन चेसने (३७), कारण या दोघांनी तिसऱ्या विकेटसाठी ७३ धावांची भागीदारी रचली. ही भागीदारी वेस्ट इंडिजच्या विजयासाठी निर्णायक ठरली. ब्लॅकवूडने यावेळी १२ चौकारांच्या मदतीने ९५ धावांची दमदार खेळी साकारत संघाच्या विजयात सिंहाचा वाटा उचलला. पण त्याला शतकही झळकावता आले नाही आणि त्याला संघाला विजयावर शिक्कामोर्तबही करून देता आले नाही.

वाचा-‘करोनानंतर सर्वप्रथम भारतच आपल्या पायावर उभा राहील’

सामन्याच्या पाचव्या दिवशी तिखट मारा करताना आर्चरने दोन फलंदाजांना बाद केले, तर कॅम्बेलला जायबंदी केले. कॅम्बेलला जेव्हा आर्चरचा चेंडू लागला तेव्हा तो लंगडताना पाहायला मिळाला. यापूर्वी आर्चरने एक यॉर्करचा चेंडू टाकला होता, त्यावेळी हा चेंडू कॅम्बेलच्या अंगठ्याला लागला होता. कॅम्बेलच्या अंगठ्याला जबर दुखापत झाली असल्याचे म्हटले जात आहे. आता वैद्यकीय चाचणीनंतरच कॅम्बेलची दुखापत किती गंभीर स्वरुपाची आहे, हे समजू शकेल. दुसऱ्या डावात कॅम्बेल दुखापतीमुळे फक्त ११ चेंडू खेळू शकला आणि एका धावेवर असताना तो निवृत्त झाला.

Source link

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)